«Qazgıdromet» sınoptıkteri 2023 jyldyń 17-19 maýsymyna arnalǵan aýa raıy boljamyn jarııalady, dep habarlaıdy Egemen.kz.
«Aldaǵy demalys kúnderi Qazaqstan aýmaǵy Ońtústik sıklony men soǵan baılanysty atmosferalyq shepterdiń yqpalynda bolady. Eldiń kóp bóliginde kún kúrkirep, ótkinshi jaýyn jaýady, jel soǵyp, burshaq jaýýy múmkin. 18 maýsymda batysta, 18-19 maýsym kúni soltústik-batysta nóser jańbyr jaýady, Qazaqstannyń ońtústiginde shańdy daýyl soǵady. Tek respýblıkanyń shyǵystaǵy bóliginde ǵana jaýyn-shashyn bolmaıdy», delingen sınoptıkterdiń habarlamasynda.
«Qazgıdromet» málimeti boıynsha, kúndizgi aýa temperatýrasy batysta +20+28 gradýsqa, soltústik-batysta +13+26, soltústikte +17+27 gradýsqa tómendeýi, respýblıkanyń soltústik-shyǵysy, shyǵysy men ortalyǵynda +30+37 gradýsqa deıin joǵarylaýy yqtımal. Al ońtústik óńirlerde aıtarlyqtaı ózgeris bolmaıdy.