Fransııanyń batysynda 5,3-5,8 baldyq jer silkinisi tirkeldi. Qutqarýshylar Jańa Akvıtanııanyń shaǵyn qalalarynyń turǵyndaryn túgel evakýasııalaýǵa májbúr boldy, dep habarlaıdy Egemen.kz Euronews-ke silteme jasap.
Fransııanyń Ortalyq seısmologııalyq bıýrosynyń málimetinshe, eldiń batysynda jer silkinisi boldy. Juma kúni keshke jáne senbi kúni tańerteń Jańa Akvıtanııa turǵyndary magnıtýdasy 5,8-ge deıin jetetin jer silkinisin sezindi.
Jer silkinisiniń oshaǵy Nıort pen La-Roshel qalalarynyń arasynda ornalasqan.
Saldarynan birneshe adam zardap shegip, 1100-ge jýyq úı jaryqsyz qaldy. La-Leın qalasynyń 500-ge jýyq turǵyny evakýasııalandy.
Sońǵy ret magnıtýdasy 5-ten asatyn jerasty dúmpýleri Fransııada 2019 jyly – Alpi taý bókterindegi Drom departamentinde tirkelgen.