Elimizde ákeler kúnine oraı elordadaǵy Botanıkalyq baqta 18 maýsym kúni «Áke – otbasynyń tiregi» – open talks is-sharasy ótedi, dep habarlaıdy Egemen.kz Astana ákimdiginiń resmı saıtyna silteme jasap.
Is-shara Aqparat jáne qoǵamdyq damý mınıstrliginiń jáne elorda ákimdiginiń qoldaýymen ótkiziledi.
Is-sharanyń negizgi maqsaty – dástúrli otbasylyq qundylyqtardy nasıhattaý, «ata-ana» ıdeıasyn nasıhattaý, sondaı-aq ata-ana tárbıesindegi ákelerdiń róliniń mańyzdylyǵyn kórsetý.
Aıta ketý kerek, bıyl bul mereke alǵash ret atalyp ótedi.
Is-sharaǵa Qazaqstan Respýblıkasy Parlamenti depýtattary, Úkimet músheleriniń, jergilikti atqarýshy organdardyń, úkimettik emes uıymdardyń jáne t.b. ókilderi qatysady dep josparlanyp otyr.
Is-sharaǵa qatysýshylarǵa arnap ákeler kúnine arnalǵan áleýmettik jobalar jármeńkesi, merekelik konsert jáne balalar shyǵarmashylyǵy kórmesi uıymdastyrylady.
Tirkelý 18 maýsym kúni saǵat 10:30-dan 11:00-ge deıin jalǵasady.