Elimizde maýsymnyń ər úshinshi jeksenbisi – medısına qyzmetkerleriniń kúni. Osy ataýly kúni adam janynyń arashashysy, aq halatty abzal jandarǵa arnaıy qurmet kórsetilip, eńbekteri erekshe elenedi, dep jazady Egemen.kz.
Bul mereke 1998 jyldan beri Prezıdent bekitken jarlyq boıynsha jyl saıyn maýsymnyń úshinshi jeksenbisinde atap ótiledi.
Osyǵan oraı búgin Memleket basshysy elimizdiń medısına qyzmetkerlerin kásibı merekesimen quttyqtady.
«Medısına qyzmetkerlerin kásibı merekesimen quttyqtaımyn! Sizder óz mindetterińizdi abyroımen atqaryp, el qurmetine bólenip júrsizder. Ult saýlyǵy – basty baılyǵymyz. Memleket densaýlyq saqtaý salasyna árdaıym erekshe nazar aýdaryp, dárigerlerge únemi qoldaý kórsetedi», delingen Prezıdenttiń quttyqtaý habarlamasynda.
Sondaı-aq Densaýlyq saqtaý mınıstri Ajar Ǵınııat elimizdiń medısına qyzmetkerlerin quttyqtady.
Aıta keteıik, bıyl Abaı oblysyndaǵy órt oqıǵasyna baılanysty bul merekeni atap ótý keıinge shegerildi. Densaýlyq saqtaý mınıstrliginen málimdegendeı, «DENI SAU ULT» sammıtin ótkizý jáne jyl saıynǵy «ALTYN SHIPAGER» Ulttyq medısınalyq júldesin tabystaý keıinge qalady.