«Qazaq gazetteri» JShS men Maqsut Narikbayev University bilim baǵytynda jáne aqparattyq salada birlesken jobalardy iske asyrmaq. Eki qurylymnyń basshylary tıisti yntymaqtastyq jáne ózara is-qımyl týraly memorandýmǵa qol qoıdy.
Yntymaqtastyq jáne ózara is-qımyl týraly memorandýmǵa «Qazaq gazetteri» JShS bas dırektory Dıhan Qamzabekuly jáne Maqsut Narikbayev University basqarma tóraǵasy Talǵat Nárikbaev qol qoıdy.
Atap aıtqanda, jýrnalıstıka úshin jańa kadrlar daıarlaý, birlesken taǵylymdamalar men praktıka júrgizý, tájirıbe almasý, tyǵyz aqparattyq ózara is-qımyl jasaý qujatta kózdelgen basym baǵyttardyń bir parasy ǵana. Joǵary oqý orny men quramyna «Egemen Qazaqstan», «Kazahstanskaıa pravda» sekildi birneshe gazet pen jýrnal kiretin seriktestik áriptestiktiń óz jemisin bererine senimdi.
Tarqata aıtsaq, «Egemen Qazaqstan» jáne «Kazahstanskaıa pravda» basylymdarynda «Zańger keńesi» birlesken aıdaryn jáne basqa da aqparattyq ónimderdi iske qosý josparlanyp otyr. Olardyń basty maqsaty – ýnıversıtet professorlary men sarapshylaryn tarta otyryp, halyq úshin eń mańyzdy quqyqtyq sıpattaǵy máseleler boıynsha túsindirý jumystaryn júrgizý.
О́zara is-qımyldy ınternet-redaksııalar deńgeıinde de óristetý josparlanyp otyr. Búgingi tańda baspa BAQ aqparattyq keńistikti belsendi ıgerip jatqanyn eskersek, ýnıversıtet stýdentteri – bolashaq jýrnalıster dástúrli jýrnalıstıkada ǵana emes, sonymen qatar ózderin SMM mamany nemese vıdeobloger retinde de synap kóre alatyny anyq.