Memleket basshysy Qasym-Jomart Toqaevtyń shaqyrýymen Qazaqstanǵa Germanııanyń Federaldy Prezıdenti Frank-Valter Shtaınmaıer memlekettik saparmen keldi, dep habarlaıdy Egemen.kz Úkimet basshysynyń baspasóz qyzmetine silteme jasap.
Asa mártebeli meımandy Astana áýejaıynda Premer-mınıstr Álıhan Smaıylov qarsy aldy.
Sapar aıasynda eki memleket basshylary Qazaqstan-Germanııa strategııalyq seriktestigin nyǵaıtý máseleleri boıynsha kelissóz júrgizip, onyń qorytyndysy boıynsha birqatar ekijaqty qujatqa qol qoıady dep josparlanǵan.
Sonymen qatar Germanııa Federaldy Prezıdenti Qazaqstan jáne Germanııa ýnıversıtetteri rektorlarynyń forýmynda sóz sóılep, Qazaqstan Prezıdentimen birge qazaq-german bıznes forýmyna qatysady.
Budan bólek, memlekettik sapar aıasynda Frank-Valter Shtaınmaıer Mańǵystaý oblysyna barady. Onda Qazaqstan-Germanııa ınjenerlik ınstıtýtynyń ashylýyna jáne Svevind shved-german kompanııasynyń jasyl sýtegi óndiretin zaýytynda synama burǵylaý jumystaryn iske qosý rásimine qatysady.