21 maýsymda el aýmaǵynyń basym bóligi atmosferalyq frontaldy bólikterdiń yqpalynda bolady. Soǵan baılanysty jańbyr men naızaǵaı saqtalady. Respýblıkanyń soltústiginde, shyǵysynda, ońtústik-shyǵysy men ortalyǵynda – burshaq, daýyl, ekpindi jel kútiledi. Ońtústik-shyǵysta, ońtústik-batys pen soltústik-shyǵysta shańdy daýyl soǵady, dep habarlaıdy Egemen.kz «Qazgıdrometke» silteme jasap.
Budan bólek, Túrkistan, Jambyl, Mańǵystaý, Shyǵys Qazaqstan, Abaı oblystarynda, Qyzylorda oblysynyń batysynda, shyǵysynda, Pavlodar oblysynyń ortalyǵynda, Atyraý oblysynyń soltústiginde, shyǵysynda, Ulytaý oblysynyń ońtústiginde, Qaraǵandy oblysynyń ońtústiginde, ortalyǵynda, Qostanaı oblysynyń ońtústik jartysynda órt tutanýdyń óte joǵary qaýpi saqtalady.
Batys Qazaqstan oblysynyń ortalyǵynda, ońtústik-shyǵysynda, Almaty, Jetisý oblystarynyń basym bóliginde, Aqtóbe oblysynyń ońtústik-shyǵysynda órt tutanýdyń joǵary qaýpi kútiledi.