Búgin Memleket basshysy Qasym-Jomart Toqaev Astanada ótip jatqan Halyqaralyq eriktiler forýmyna qatysty. Prezıdenttiń aıtýynsha, Qazaqstanda eriktiler qyzmeti jan-jaqty damyp kele jatyr, dep habarlaıdy Egemen.kz.
«Búgingi forýmǵa elimizdiń ár túkpirinen jáne shet elderden eriktiler arnaıy kelip otyr. Halyqaralyq uıymdardyń ókilderi, mártebeli meımandar qatysyp otyr. Bárińizge shynaıy rızashylyǵymdy bildiremin. Kesheden beri ózekti máseleler talqylandy. Jıynǵa qatysýshylar oı-pikirlerin ortaǵa saldy, utymdy usynystar aıtty. Tıimdi jobalaryn tanystyryp, tájirıbe bólisti. Munyń bári ıgi isterdi jalǵastyrýǵa zor múmkindik beredi», dedi Prezıdent forýmnyń ekinshi kúninde.
Memleket basshysynyń aıtýynsha, Qazaqstanda eriktiler qyzmetin jan-jaqty damytý úshin qajetti jaǵdaı jasalyp jatyr.
«Buǵan memleket tarapynan qajetti jaǵdaı jasalyp jatyr. Men ózim eriktilerdi barynsha qoldaımyn. Sizderdiń tabandy jumystaryńyzdy joǵary baǵalaımyn. Osy saladaǵy barlyq bastamalardy qoldaımyn», dedi Qasym-Jomart Toqaev.