Elordalyq TJD órt sóndirýshileri 80 gektar aýmaqta qurǵaq shóp órtin sóndirýdi jalǵastyryp jatyr, dep habarlaıdy Egemen.kz.
«Tótenshe jaǵdaılar departamenti «Astana Ormany» bólimsheleriniń kúshimen jekelegen órt oryndaryn jyrtý jáne únemi qaraýyldaý jumystaryn júrgizip jatyr. О́rtti sóndirý bastalǵannan beri avıasııa órt oshaqtaryna 149 ret kólemi 447 tonna sý tókti. 20 maýsym kúni saǵat 20.16-da Qaraǵandy jáne Aqmola oblystarynyń TJD kúshteri men quraldary úılerine qaıtaryldy», dep habarlady TJM baspasóz qyzmeti.
TJ mınıstri Syrym Sháriphanov kórshi óńirlerden kelgen órt sóndirýshilerge jedel den qoıǵany jáne elordalyq órt sóndirýshilerge qurǵaq shópterdiń órtenýin sóndirýge kórsetken kómegi úshin alǵysyn bildirdi.
Sóndirýge qazirgi ýaqytta barlyǵy 34 adam, 8 birlik tehnıka jumyldyryldy. Jergilikti jerde О́rt sóndirý shtaby jumysyn jalǵastyryp jatyr.
Qala ákimdigi eriktilermen birlesip, órt sóndirýshilerge tamaq uıymdastyrdy.