EXPO iskerlik ortalyǵy elordanyń elimizdiń ekonomıka, bilim berý jáne mádenı salalarynyń damýyna óz úlesin qosatyn mańyzdy qoǵamdyq aýmaǵyna jáne qala júıesiniń biregeı bóligine aınaldy. Ol – bıznes, bilim jáne shyǵarmashylyq ıdeıalar úshin de tartymdy ortalyq. «QazExpoCongress» UK» AQ basqarma tóraǵasynyń birinshi orynbasary Dáýlet Erkimbaevtan barlyq baǵytty tıimdi biriktirip, atalǵan alańdy qysqa merzimde tanymal etý týraly suraǵan edik.
- Dáýlet Qýandyquly, EXPO alańy elordamyzdyń ajyramas bóligine jáne Qazaqstannyń ekonomıka, bilim berý jáne mádenı salalaryn damytýdyń mańyzdy faktoryna aınaldy. Sonymen qatar, EXPO kásipkerlerdi, ıntellektilik resýrstardy jáne shyǵarmashylyq ıdeıalardy tartý ústinde. Osyǵan oraı, «QazExpoCongress» ulttyq kompanııasy menedjmentiniń tabys formýlasy qandaı ekenin aıtyp berseńiz. Qalaısha bir alańda birneshe baǵytty qatar túrlendirýge bolady jáne búgingi tańda EXPO degenimiz ne?
- Iá, durys aıtasyz. Sońǵy úsh jyl ishinde EXPO kórme kesheniniń aýmaǵy kelýshiler men ártúrli is-sharalarǵa qatysýshylar úshin jaılylyq pen yńǵaılylyqty qamtamasyz etetin elordanyń qolaıly jáne fýnksııaly ınfraqurylymyna aınala otyryp, aıtarlyqtaı ózgeristerge ushyrady. Bul – bizdiń jetistigimizdiń negizgi faktorlarynyń biri.
Osy ýaqyt ishinde «QazExpoCongress» ulttyq kompanııasy bilim berý jáne qarjy uıymdaryn bir orynda biriktire otyryp, biregeı ımıdjdik jobany júzege asyra aldy.
EXPO aýmaǵyn qoǵamdyq keńistik retinde damytýǵa Memleket basshysy Qasym-Jomart Toqaevtyń tarapynan erekshe nazar aýdarylyp otyrǵanyn atap ótý mańyzdy.
Qazirgi ýaqytta EXPO iskerlik ortalyǵynyń aýmaǵynda jalpy aýdany 530 myń sharshy metrden asatyn 16 ǵımarat bar. Bul ǵımarattardyń barlyǵy bos emes jáne olarda jumys isteıtin adamdardyń sany 15 myńnan asady. Munda «Astana» Halyqaralyq qarjy ortalyǵy, Astana Hub IT-startaptar Halyqaralyq tehnoparki jáne Astana IT University sııaqty uıymdar ornalasqan. Sondaı-aq Sıfrlyq úkimet ofısi, Sıfrlyq damý, ınnovasııalar jáne aeroǵarysh ónerkásibi mınıstrligi, Strategııalyq josparlaý jáne reformalar agenttigi ornalasqan.
EHRO aýmaǵynda ornalasqan taǵy bir obekt – «A» klasty álemdik standarttarǵa saı keletin Bıznes-ortalyq. Birinshiden, bul bıznes sýbektileri úshin mańyzdy nysan dep sanaımyn. Munda tabysty jumys isteýge jáne kásipkerlik qyzmetti damytýǵa yqpal etetin zamanaýı keńse keńistigi usynylady.
Sonymen qatar, keshen aýmaǵynda «Line Brew», «Kakao Dak», «Harrats Pub» meıramhanalary, «Prime Golf» golf-sımýlıatory, «Bronx» fıtnes-klýby jáne «Coffee Boom» kofehanasy sııaqty túrli mekemeler qyzmet kórsetedi.
Kelýshilerge yńǵaıly bolý úshin táýlik boıy jumys isteıtin jáne kólik jýatyn orny bar,3 myń kólikke arnalǵan jerasty turaǵy bar.
Jalpy, EXPO aýmaǵy – keńselerdi, bilim berý jáne ınnovasııa mekemelerin, sondaı-aq oıyn-saýyq jáne sport nysandaryn qamtıtyn ártúrli bıznes keńistigi.
Bıylǵy jyldan bastap «QazExpoCongress» UK» AQ ózin-ózi tolyq óteýge shyqqanyn jáne memlekettik bıýdjetten qarjylandyrylmaıtynyn erekshe atap ótkim keledi. Buǵan kompanııanyń teńgerimindegi joǵaryda atalǵan obektilerdi kommersııalandyrý (obektilerdi jalǵa berý) jáne kongress-kórme is-sharalaryn ótkizý arqyly qol jetkizildi. Bul iskerlik ortalyqtyń ınfraqurylymyn óz qarajaty esebinen ustaýdy (obektilerdiń qaýipsizdigi, qyzmet kórsetý jáne jańǵyrtý) jáne keshen aýmaǵynda is-sharalardy ótkizýdi qamtamasyz etýge múmkindik beredi.
Osylaısha EXPO iskerlik ortalyǵynyń barlyq obektisi men aýmaqtaryn ustaý memlekettik bıýdjet qarajatyn tartpaı, ulttyq kompanııanyń esebinen júzege asyrylady.
Bizdiń kompanııa búginde qolaıly orta qurý, ártúrli sektorlardy biriktirý jáne qarjylaı ózin-ózi aqtaýǵa qol jetkizý arqyly aıtarlyqtaı nátıjelerge qol jetkizdi. EXPO-nyń tabysty jobaǵa aınaldyrylýy Qazaqstannyń osyndaı aýqymdy is-sharalardy oıdaǵydaı jasaý jáne basqarý qabiletin aıǵaqtaıdy.
- Búgingi tańda EXPO aýmaǵynda qandaı kongress-kórme nysandary jumys isteıdi?
- Qazirgi ýaqytta EXPO iskerlik ortalyǵynyń aýmaǵynda Kongress ortalyǵy, EXPO Halyqaralyq kórmesi ortalyǵy, Bolashaq energııasy mýzeıi sııaqty mańyzdy nysandar ornalasqan.
Kongress ortalyǵy – konsertter, forýmdar jáne resmı kezdesýler sııaqty ártúrli is-sharalardy ótkizýge múmkindik beretin kópfýnksııaly keshen. Bıylǵy jyly 50-den astam is-shara ótkizý josparlanyp otyr. Aıtpaqshy, onyń tolyq júktemesi bar jáne jylyna 310 kún jumys isteıdi.
8-9 maýsymda Kongress ortalyǵynda Astana Halyqaralyq forýmy ótti, oǵan 10 myńnan astam qonaq, sonyń ishinde álemniń 70 elinen myńǵa jýyq ókil qatysty. Bizdiń kompanııa osy is-sharanyń tehnıkalyq operatory boldy.
Taǵy bir mańyzdy nysan – 2020 jyly ashylǵan EXPO Halyqaralyq kórme ortalyǵy (EXPO HKO). Bul – Ortalyq Azııadaǵy jalpy aýdany 23 myń sharshy metrdi quraıtyn eń iri kórme alańy. 12 myń sharshy metr aýmaqty alyp jatqan kórme zalyna eki fýtbol alańy syıyp ketkendeı. EXPO HKO UFI Dúnıejúzilik kórme ındýstrııasy qaýymdastyǵynyń sertıfıkatyna ıe. Munda respýblıkalyq jáne halyqaralyq kórmeler ótkiziledi. Osy jyly 40-tan astam is-shara josparlanyp otyr.
Bolashaq energııasy mýzeıi – kelýshilerdi ekskýrsııalarymen, bilim berý jáne mádenı is-sharalarymen qyzyqtyratyn mańyzdy nysan. Munda oqýshylar úshin turaqty negizde ashyq sabaqtar ótkiziledi. Sonymen qatar, 24-25 maýsymda mýzeıde ArtLab mektebimen birlesip,keskindeme boıynsha balalar men eresekterge arnalǵan sheberlik klastaryn ótkizýdi josparlap otyrmyz. Sondaı-aq shahmattan onlaın-sabaqtardy uıymdastyrý máselesi qarastyrylýústinde. Olardaǵy ustazdar álemdik deńgeıdegi shahmatshylar bolmaq. Bul – biz jalǵastyrǵymyz keletin úrdisterdiń biri.
Bıyl biz mýzeıde jańǵyrtý, dálirek aıtqanda, mazmundy ishinara jańartý jáne jóndeý-qalpyna keltirý jumystaryn júrgizdik. Osy jumystar aıaqtalǵannan keıin mýzeı tolyq jumys kestesine kóshti: seısenbi- juma kúnderi – 10:00-den 20:00-ge deıin, demalys kúnderi – 10:00-den 21:00-ge deıin, dúısenbi – tehnıkalyq kún. Oǵan kún saıyn 1000-nan 1500-ge deıin adam keledi.
EXPO iskerlik ortalyǵynyń aýmaǵyndaǵy osy nysandardyń barlyǵy kórmelerdi, kongresterdi, iskerlik kezdesýlerdi jáne mádenı is-sharalardy ótkizýge óte qolaıly. Olar ekonomıkany damytýǵa septigin tıgizip, ulttyq jáne halyqaralyq qoǵamdastyqtyń nazaryn aýdaryp otyr.
- Dáýlet Qýandyquly, bıyl EXPO aýmaǵynda qandaı is-sharalardy ótkizýjosparlanǵan jáne olardyń qaısysymen maqtana alasyz?
- Joǵaryda aıtqanymdaı, EXPO aýmaǵynda únemi ártúrli is-sharalar ótkizilip turady. Biz munda ornalasqan barlyq nysannyń árqashan belsendi qyzmet etýin qamtamasyz etý úshin barlyq kúsh-jigerimizdi salamyz. Bıyl barlyq nysannyń jumysy kelesi jylǵa deıin josparlanyp qoıyldy.
Biz ózimiz uıymdastyratyn jobalar erekshe mańyzǵa ıe. Olardy is-sharalarǵa qatysýshylar men qonaqtar joǵary baǵalap júr. Mysaly, «Kids EXPO». Balalar álemi jármeńkesi» - sonyń aıǵaǵy. О́tken jyldyń jeltoqsan aıynda ótken «Jańa jyl Fest» merekelik jármeńkesine Astanadan ǵana emes, Qazaqstannyń túrli óńirlerinen 200-den astam shaǵyn jáne orta bıznes ókilderi, qolónershiler men hendmeıderler qatysty. Biz osyndaı is-sharalardy jyl saıyn ótkizýdi josparlap otyrmyz.
Sondaı-aq EXPO aýmaǵynda ár demalys saıyn jazǵy sahna jumys isteıdi. Ol óz jumysyn jyl saıyn maýsym aıynyń basynan bastaıdy. Dál osy arada Ninety One toby, Djeıran, Raim & Artur dýeti, DJ Smash, DJ Timoffey, Erke Esmahan, Moldanazar, Qaırat Nurtas óner kórsetip, Say Mo, Abdr., The spirit of Eurasia halyqaralyq zamanaýı etnıkalyq mýzyka festıvali, The Limba, Format toby, Aıqyn, Cover Fest (Batyrhan Shúkenovti eske alý keshi), rok-festıval, ORDA FM gala-konserti, Cosplay festıvali jáne t. b. ártisterdiń ashyq aspan astyndaǵy konsertteri ótti.
Ulttyq kompanııa osy baǵytty damytýdy jalǵastyra otyryp, bıylǵy jazǵy maýsymǵa birneshe qyzyqty taqyryptyq is-shara daıyndaý ústinde. Jaqynda EXPO Melodies etnofestıvali ótti. Bir alańda Qazaqstannyń túkpir-túkpirinen aspaptyq jáne bı ujymdary jınaldy. Olar elimizdiń mádenı murasynyń baılyǵy men mýzykalyq sheberligin pash etti.
Jazǵy sahna is-sharalarynyń kúntizbesi maýsymnyń sońyna deıin josparlanǵan. Munda tanymal qazaqstandyq ártister Dastan Orazbekov, Qurmash Mahanov, Marjan Arapbaeva, Aıqyn jáne t.b. óner kórsetedi. Is- sharalar jarnamasy apta saıyn resmı saıtta jáne kompanııanyń áleýmettik jelilerdegi akkaýnttarynda jańartylyp otyrady.
Elordanyń barlyq iri is-sharasy bizde ótkizilip jatqanyn ózińiz baıqaǵan bolarsyz: Astananyń basty shyrshasy saltanatty túrde jaǵylyp, konkı tebý uıymdastyrylyp, Naýryz meıramy jáne t.b. merekeler atap ótiledi. Bul – bizge artylǵan senim men bizdiń alańdardyń tanymaldylyǵynyń jáne suranysqa ıe ekendiginiń dáleli.
- Osyndaı keń aýmaqta barsha úshin qolaıly jaǵdaıdy qalaı jasaı aldyńyzdar?
- Osy maqsatqa jetý úshin biz aıtarlyqtaı kúsh-jiger men resýrstar jumsaımyz. Mysaly, jaqyn arada biz rollerdrom ashýdy josparlap otyrmyz, onda rolıkterdi tegin nemese jalǵa alyp tebýge bolady. Al qysta bul alańda muz aıdyny jumys isteıtin bolady. Osylaısha, bizdiń qonaqtar jyldyń kez kelgen ýaqytynda ashyq aýada demalýǵa múmkindik alady.
Jalpy, bizdiń búkil komandamyz servıstiń joǵary deńgeıin qamtamasyz etýge jáne qonaqtarymyzdyń qajettilikterin qanaǵattandyrýǵa baǵyttalǵan is-sharalardy muqııat josparlaıdy jáne oıdaǵydaı iske asyrady. Biz sondaı-aq qaýipsizdik, tazalyq, qoljetimdilik jáne yńǵaılylyq sııaqty aspektilerge erekshe nazar aýdaramyz.
Mysaly, EXPO aýmaǵynda barlyq obektini, onyń ishinde aýmaqty sanıtarlyq kútip ustaý, ınjenerlik-tehnıkalyq jabdyqtar men ǵımarattarǵa qyzmet kórsetý boıynsha úzdiksiz jumys atqarylady. Osyǵan baılanysty, EXPO aýmaǵynyń keıbir ýchaskelerinde aımaqtyń klımattyq ereksheligin, sondaı-aq arnaıy tehnıkanyń kelý múmkindigin eskere otyryp, búlingen jol plıtkalarynyń ornyna asfaltbeton tóseý jumystary júrgizildi.
EXPO iskerlik ortalyǵy aýmaǵynyń syrtqy kelbetin jaqsartý úshin sáýlet-josparlaý sheshiminiń negizgi elementteri men qaǵıdattarynyń biri – fýnksııalyq jaıaý júrginshiler aımaqtaryn qurý jáne uıymdastyrý, ashyq keńistikterdi kógaldandyrý, sondaı-aq osy elementterdi qalalyq keńistikti kógaldandyrýdyń jalpy shemasyna úılesimdi ulastyrý. Osynyń nátıjesinde elordanyń ınfraqurylymy qolaıly jáne fýnksııaly bolyp, kelýshiler men is-sharalarǵa qatysýshylar úshin jaılylyq pen yńǵaılylyqtyń joǵary deńgeıin qamtamasyz etip otyr.
Biz EXPO iskerlik ortalyǵy bıznes, mádenıet jáne demalys úshin tartymdylyq ortalyǵy jáne barlyq qonaǵymyz ben is-sharalarǵa qatysýshylar úshin senimdi seriktes bolyp qala beretinine senimdimiz. Osy maqsatta biz, ulttyq kompanııa qyzmetkerleri, qoldan kelgenniń bárin jasaımyz.
- Áńgimeńizge rahmet!
Áńgimelesken Káribaı MUSYRMAN,
«Egemen Qazaqstan»