«Egemen Qazaqstan» gazetiniń ardageri, jazýshy, jýrnalıst, Qazaqstannyń eńbek sińirgen qaıratkeri, «Parasat» ordeniniń ıegeri Ádil Dúısenbek týraly estelikter toptastyrylǵan «Ádildiń shynshyl álemi» atty jınaq jaryq kórdi.
Ádil aǵanyń ómirden ozǵanyna aldaǵy qyrkúıekte tórt jyl tolady. «Egemende» qyzmet istegen jyldarda qazaqtyń mańdaıaldy tulǵalarymen qanattas, áriptes bolǵan, qazaq zııalylarynyń ystyq yqylasyna bólene bilgen Ádil Dúısenbek týraly áli talaı estelik jazylady dep oılaımyz. Al biz joǵaryda sóz etken jınaqtaǵy estelikter asyl aǵa týraly bolashaqta jazylar júrekjardy esse-tolǵanystardyń bastamasy dep bilemiz.
«Ádildiń shynshyl álemin» – jaqsy adam, ónegeli ómir ıesi, aınalasyna jan jylýyn tóge bilgen jaısań jan Ádil aǵaǵa degen laıyqty eskertkish dep uǵamyz.
Bul kitapqa belgili qalamgerler D.Isabekov, E.Álimjan, J.Beısenbaıuly, D.Ysqaquly bastaǵan áriptes-zamandastary, kýrstastary, ini-baýyrlary, jubaıy men urpaqtarynyń sońynda eleýli eńbegi, shynaıy týyndylary qalǵan Ádil Dúısenbektiń adamı bolmysyn asha túsetin, qalamgerlik qýatyn aıqyndaıtyn estelikter engizilgen.
Jınaqta Ə.Dúısenbektiń adamgershilik bolmysy, jýrnalıstıka salasyndaǵy ónimdi eńbegi ǵana emes, ər jyldarda jazǵan súbeli kórkem shyǵarmalary jóninde de keńinen sóz qozǵalǵan. Bul óz kezeginde Ádildiń shynshyl áleminen molynan habardar etedi. О́ıtkeni ol – qazaq rýhanııatyna úlken olja salǵan qalamger. Bul sózimizdi jazýshynyń əńgimeleri men povesteri birneshe ujymdyq jınaqqa enip, baspadan «Aq kúmbez», «Kókjıek», «Júrek jylýy», «Tergeý əli bitken joq», «Kókjıek», «Qara shańyraq, «Sheraǵamnyń sherýi» degen kitaptarynyń jaryq kórgeni rastaıdy.
Qalamyn qarý, ádildikti tý etken Ádil Dúısenbektiń ónegeli ómiri, sońynda qalǵan shyǵarmalary, adal eńbegi jas urpaqqa zor taǵylym, úlgi.