«Adal adam» ıdeıasy jáne urpaq tárbıesi

Ulttyq komıssııa Memleket basshysynyń tapsyrmalaryn oryndaýdy qamtamasyz etý úshin qoǵamdyq uıymdardyń, ǵy­lymı ortalyqtardyń jáne memlekettik organdardyń kúsh-jigerin biriktirýge shaqyrdy. Otyrysty júrgizgen komıssııa tóraǵasy, Prezıdent Ákimshiligi basshysynyń orynbasary Aıda Balaeva Ulttyq komıssııa Túrkistanda ótken Quryltaıda Memleket basshysy aıtqan túıt­kildi máselelerdi sheshýdiń naqty is-sharalaryn anyqtaý úshin maz­mundy dıalog júrgizýge daıyn ekenin aıtty.

– Prezıdent ulttyń jańa sapasyn qalyptastyrýǵa, zerdeli, ozyq, adal qazaqstandyqtardy tárbıeleýge baǵyttalǵan kele­li oılaryn aıtty. Bul – memle­kettik sektor úshin ıdeologııalyq jumystyń negizgi baǵyttary bo­ıynsha naqty is-qımyl baǵdar­lamasynyń bir túri. Ulttyq qu­ryl­taıdyń kún tártibiniń negiz­gi baǵyty – ómirde adam­ger­shi­lik zańdary men bıik qundy­lyq­tary sheshýshi ádiletti tulǵa – «Adal adam» ıdeıasy. Jeke bap retin­de Prezıdent óskeleń urpaq tárbıe­sin, onyń rýhanı damýyn, ulttyq sana men patrıotızmdi nyǵaıtýdy erekshe atap ótti, – dedi ol.

Aıda Balaevanyń aıtýynsha, ata-analardyń óskeleń urpaqty tárbıeleýdegi jaýapkershiligi júıesin qalyptastyrýǵa baǵyt­talǵan áleýmettik mańyzy bar jobalardy júzege asyrý­dy qam­­tamasyz etý, oblys­tyq fı­lıal­dar janynan «Ot­ba­sy­­lyq tár­bıe ınstıtý­ty» uıy­myn qu­rý sııaqty usy­nys­tar­dy bólip kórsetýge bolady. «Ulttyq komıssııa mektep baǵdarlamasyna adam quqyqtary boıynsha sa­baq­tardy engizý, qatygezdik pen zor­lyq-zombylyqty nasıhat­taı­tyn resýrstardy beıtaraptandyrýdy qamtamasyz etý, Ult­­tyq komıssııanyń janynan qazaqstandyq ǵylymı uıym­dardyń konsorsıýmyn nemese erikti birlestigin qurý, jumys­pen qamtý strategııalaryn qurý, otbasynyń qajettilikterin es­ke­re otyryp, balalar arasyn­da eńbek qundylyqtaryn qalyp­tastyrý maqsatynda 14 jas­tan asqan mektep oqýshylary men stýdentterdi jumyspen qam­týǵa belsendi kómek kórsetý is-sha­ralaryna mindetti kvota bólý, kitap shyǵarý saıasatynyń tu­jy­­rymdamasyn ázirleý, ki­tap shyǵarýǵa bólingen jalpy somanyń 25 paıyz balalar áde­bıetin shyǵarýǵa bólý, Mem­lekettik syılyqty taǵaıyn­daý kezinde balalarǵa arnalǵan shy­ǵar­malardy jeke blok retinde qarastyrý syndy usynystardy qoldaıdy», dedi ol.

Onyń sózine Ulttyq komıssııa tóraǵasynyń orynbasary Lázzat Ramazanova qosylyp, balalar men eresekter arasyn­da ekologııalyq sanaly mi­nez-qu­lyqty tárbıeleýdiń mańyz­dylyǵyn, sondaı-aq ulttyq qundylyqtar men otandyq brend­ti ilgeriletýdegi áıelderdiń rólin atap ótti. Sondaı-aq el Prezı­denti óz sózinde balalar men jasóspirimder uıymdarynyń qyzmetine serpin berý mindetin qoıǵanyn jetkizdi.

Ulttyq komıssııa tóraǵasy­nyń orynbasary Ele­na Tara­senko balalar týrız­mi ómirlik tájirıbeni jańa ur­paq­qa berýdiń, patrıotızmdi qa­lyp­tastyrýdyń mańyzdy joly ekenin, alaıda búgingi kúni júıeli tásildiń joqtyǵyn já­ne bul mańyzdy quraldyń baǵalan­baǵanyn má­limdedi.

«Búgingi tańda respýblıka­da 40 týrıst-ólketanýshylar stansasy men ortalyǵy jumys isteıdi, olarda 30,5 myń­nan as­tam mektep oqýshysy bi­lim alyp jatyr. Alaıda soń­ǵy úsh jylda ortalyqtardyń mate­rıal­dyq-tehnıkalyq jab­dyq­talýy kemshin. 40 stansa­nyń 17-si tıptik ǵımarattarda, 23-i beıim­delgen ǵımarattarda orna­lasqan. 8 ǵımarat kúrdeli jón­deýdi qajet etedi, 2 ǵımarat apat­­ty jaǵ­daıda, 6 ǵımarat aǵym­­­daǵy jón­deýdi qajet etedi», dedi ol.

Memleket basshysy atap kórset­­ken taǵy bir mańyzdy sa­la – buqaralyq aqparat qural­da­rynyń róli jáne memlekettiń aqparattyq saıasaty. Ulttyq ko­mıs­sııanyń múshesi, kommýnı­kasııa salasynyń sarapshy­sy Nazym Janǵazınova Prezı­dent Ulttyq quryltaıda sóıle­gen sózi arqyly memleket pen aza­mattardyń ózara is-qı­my­lynyń jańa dáýirin ashqanyn aıtty.

«Osy ýaqytqa deıin memleket pen bılik azamattardy áleýmettik birlik: jumyssyzdar, jaldamaly jumysshy, kásipker, salyq tóleýshi retinde qaras­tyryp keldi. Endi, mine, azamat kórermen, tyńdaýshy jáne oqyrman – tiri, beıneleýshi tulǵa retinde qarastyryla bastady. Prezıdenttiń Túrkistandaǵy BAQ týraly aıtqan sózderi BAQ-qa ǵana emes, azamattarǵa da jańa kózqarasty tanytady jáne qýantady. Jaýapkershilikke kelgende, biz birden repressııalyq ádister men shekteýler týraly oılaımyz. Endi bul eski kóz­qarasty ózgertý kerek. Prezı­dent jumsaq kúshke silteme jasaı otyryp, zamanaýı kommýnıkasııa ádisterinen habardar ekenin kórsetip, gýmanızm qaǵıdattaryna adal ekenin ashyq aıtty. Biz memlekettik organdar men azamattar arasyndaǵy qarym-qatynastyń jańǵyrýyn kútemiz», dedi ol.

Otyrys basynda ulttyq ko­mıs­sııanyń ózge de músheleri sóz alyp, bala tárbıesi men el­­diń keleshegine qatysty oı-pi­kirlerin ortaǵa saldy. Jıyn sońynda ulttyq komıs­sııa múshe­leri rezolıýsııa qabyl­dady. Ol jerde aıtylǵan bar­lyq usy­nys memlekettik organ­dar­dyń jumy­syna engizilip, azamat­tyq sektormen birlesip júzege asyrylmaq.