Bul kúnderi Almatyda Ázerbaıjannan shyqqan áıgili qylqalam sheberi Babı Badalovtyń «To See, To Read, To Tell» atty alǵashqy kórmesi ótip jatyr. Kúzge deıin jalǵasatyn derbes kórmeniń ózindik ereksheligi, Badalovty «beıneleý ónerindegi aqyn» desek te bolady.
Badalovtyń vızýaldy poezııasy óz kúndeligi ispetti. Sýretker, tipti saıahatshy, mıgrant, bosqyn bolsyn, kóshpeli ómir mádenı ıntegrasııanyń kúrdeli beıimdelý kezeńin týdyryp qana qoımaı, eń aldymen, sol bireýdi til tutqynyna aınaldyrýy ábden múmkin. Al Babı Badalov shyǵarmashylyǵynda mátinder sýretke, al sýret mátinge aınalady.
Badalovtyń aıtýynsha, onyń týyndylarynda jazýmen baılanysty eshqandaı da bir jelilik qısyn joq, poezııa sózde ǵana emes, qylqalam syzyqtarynda da jatyr.
«Bul týyndylar zorlyq-zombylyq, tarıhı jadyny óshirip tastaý, tis jarmaý mádenıeti, sonymen qatar qoǵam tarapynan kóbinese estilmeı qalatyn – margınaldanǵan adamdar men qaýymdastyqtar taǵdyryna arnalady. Babı Badalovtyń alǵashqy derbes kórmesin ótkizip otyrǵanymyzdy mártebe tutamyz», – deıdi Aspan Gallery dırektory Merýert Qalıeva.
Aıtqandaı, sýretshi qazir Parıjde ómir súrip, óner týdyryp otyr. Halyq arasynda Barbes dep atalyp ketken aýdanda ornalasqan Badalovtyń sheberhanasyn qorshap turǵan Parıj kósheleriniń alýan túrli dıalektileri, kóshe bazarlary, Shyǵys, Batys, Ońtústik jáne Soltústik emıgranttarymen kelgen mádenıet túrleriniń stıhııalylyǵy, sýretshiniń kórkemdik tájirıbesiniń tosyndyǵy men erkindigi – osynyń barlyǵy Aspan Gallery ekspozısııasyna kóship otyr. Munda ilýli turǵan taza kóılek-kónshekter men terkóılekterdi qatarynan tizip qoıǵan kóshe bazarlaryna da siltemeler barshylyq. Alaıda eń aldymen, qala órnegi Badalovtyń óz jumystarynda qoldanatyn matalary arqyly kórinedi. Bular – sekond-hend dúkenderinen satyp alynǵan, ıakı kóshe boıynan tabylǵan tósek jaımalar, perdeler, kıim, súlgiler, ıaǵnı, ózindik «taǵdyry» men tarıhy bar, óner týyndysy retinde ekinshi ret ómirge qaıta kelip otyrǵan qarapaıym zattar.
ALMATY