Kazgıdromet 24 maýsymǵa arnalǵan aýa raıy boljamyn usyndy, dep habarlaıdy Egemen.kz.
Búgin elimizdiń basym bóliginde aýa raıy buzylyp, qatty jel turady.
24 maýsymda elimizdiń 16 óńirinde qolaısyz aýa raıyna baılanysty eskertý jarııalandy. Bul týraly «Qazgıdromet» sınoptıkteri habarlady.
Almaty oblysynyń ońtústiginde, taýly aýdandarynda naızaǵaı oınap, burshaq túsedi dep boljanady.
Astanada da naızaǵaı jarqyldap, kún kúrkireıdi.
Kúndiz Ulytaý oblysynyń soltústiginde, shyǵysynda, ortalyǵynda naızaǵaı jarqyldap, kún kúrkireıdi.
Qaraǵandy oblysynyń soltústiginde, shyǵysynda, ońtústiginde naızaǵaı oınap, burshaq túsedi, daýyl turady dep boljanady. Qaraǵandyda naızaǵaı oınaıdy dep kútiledi.
Batys Qazaqstan oblysynyń batysynda, ońtústiginde, soltústiginde naızaǵaı oınap, burshaq túsedi.
Túrkistan oblysynyń taý asýlarynda soltústik-batystan soqqan jeldiń ekpini 15-20 m/s deıin jetedi. 24-26 maýsymda oblystyń basym bóliginde tótenshe órt qaýipi saqtalady. Shymkentte de tótenshe órt qaýipi saqtalady.
Kúndiz Shyǵys Qazaqstan oblysynyń soltústiginde, shyǵysynda qatty jańbyr jaýady dep boljanady.
Aqtóbe oblysynda batystan soltústikke oıysa soqqan jeldiń ekpini túnde oblystyń batysynda, ortalyǵynda 15 m/s quraıdy.
Kúndiz Abaı oblysynyń soltústiginde qatty jańbyr jaýady dep kútiledi. Oblystyń basym bóliginde naızaǵaı oınaıdy, kúndiz oblystyń soltústiginde, batysynda, ońtústiginde burshaq jaýyp, daýyl turýy múmkin.
Kúndiz Atyraý oblysynyń batysynda, soltústiginde kún kúrkirep, naızaǵaı oınaıdy.
Kúndiz Qyzylorda oblysynyń ortalyǵynda shańdy daýyl turady dep boljanady.
Mańǵystaý oblysynyń basym bóliginde tótenshe órt qaýpi saqtalady. Aqtaýda da órt qaýpi saqtalady.
Qostanaı oblysynyń soltústiginde, shyǵysynda, ońtústiginde naızaǵaı oınaıdy dep boljanady.
Jetisý oblysynyń ońtústiginde, ortalyǵynda, taýly aýdandarynda, Pavlodar oblysynyń ońtústiginde naızaǵaı jarqyldap, kún kúrkireıdi dep kútiledi.
Túnde jáne tańerteń Soltústik Qazaqstan oblysynyń ońtústik-batysynda tuman túsedi dep boljanady.