Tótenshe jaǵdaılar mınıstrliginiń málimetinshe, Ile-Balqash rezervatynyń aýmaǵynda 150 ga alań janyp jatyr. О́rttiń jalpy aýmaǵy shamamen 6200 ga, dep habarlaıdy Egemen.kz.
Mınıstrlik órttiń sóndirilip jatqanyn aıtty.
«TJD jáne «Ile-Balqash» MTR» RMM kúshterimen qolmen jumys isteıtin shans quraldary men motopompalardy paıdalana otyryp, jaıaý tártippen soltústik-batys jaǵynda 6-kvartalda aldyn ala boljam boıynsha 150 ga alańda sóndirý jumystary júrgizilip jatyr. Sonymen qatar Baqanas orman sharýashylyǵy ýchaskelerinde órttiń taralýyn boldyrmaý úshin Orman sharýashylyǵy kúshterimen jyrtý jumystary júrgizilip jatyr. Eldi mekenderge qaýip joq», delingen habarlamada.
Meteorologııalyq jaǵdaı: kún ashyq, jaýyn-shashynsyz, aýa temperatýrasy +24 S, soltústik baǵytta soqqan jeldiń jyldamdyǵy 2 m/s.