Dımash túpkir-túpkirden jınalǵan tyńdarmandarynyń aldynda óner kórsetip, konsert ótkizdi. Konsertte ánshi jeti tilde án shyrqady.
dimashnews.com saıtynyń aqparatyna sáıkes, konsertte Dımashtyń oryndaýynda Eýropa men Amerıka avtorlarynyń «Golden», «If I never breathe again», «S.O.S» shyǵarmalary shyrqaldy. Japondyq avtor Kozı Tamakıdiń tereń jáne qaıǵyly «Autumn strong» áni Dımashtyń «I am a Singer» jobasyndaǵy sátterdi eske túsirip sondaı-aq ártistiń «Screaming», «Let it be» kompozısııalaryn jáne qytaı tilindegi «Battle of Memory» saýnd-tregin oryndady.
Kompozıtor Igor Krýtoıdyń shyǵarmalary Dımashtyń shyǵarmashylyǵynda mańyzdy oryn alady. Shoýdyń «Stranger» tıtýldyq áninen, polıfonııalyq «Olımpıko», sondaı-aq «Ave Marııanyń» jáne barlyq Dears-tiń súıikti «Lıýbov ýstavshıh lebedeı» áninen bastap, nómirdi aıaqtaǵanǵa deıin barlyq zal hormen shyrqady.
Konserttiń qonaǵy óziniń keremet hıti «Bukan Cinta Biasa» jáne dástúrli «NIRMALA» ánin oryndaǵan Sıtı Nýrhalız esimdi malaızııalyq ánshi boldy.
Shoý baǵdarlamasynda kórermender ártispen birge qazaq tilindegi «Daıdıdaý» jáne «Dýrdaraz» halyq ánin, sondaı-aq qazaqstandyq kompozıtorlar Aıgúl Bajanovanyń «Mahabbat ber maǵan», Ediljan Ǵabbasovtyń «Fly Away» jáne Dımashpen birge jazǵan «Zhalyn» ánderin tyńdap, oryndady.
Shoýdyń sońǵy bóliminde ıspan tilindegi «El amore en ti» iri kompozıtorlyq jumystary jáne osy keshte erekshe áserli bolǵan «The story of one sky» rekvıemi oryndaldy.
«Bul arman! Men óte baqytty ártispin, óıtkeni mende sizderdeı keremet tyńdaýshylar bar!» dep Dımash óz jankúıerlerin kelesi konsertterde kútetinin aıtty.