Aralas jekpe-jektiń eń bedeldi uıymy – UFC-de óner kórsetetin otandasymyz Jalǵas Jumaǵulov (14-8) AQSh-tyń Florıda shtatynda ótken UFC on ABC 5 týrnırinde kezekti aıqasyn ótkizip, qatarynan úshinshi márte jeńilip qaldy.
UFC-diń eń jeńil salmaǵynda baq synaıtyn dańqty jerlesimiz muhıttyń arǵy betindegi jekpe-jek keshinde amerıkalyq Djoshýa Vanmen (7-1) kúsh synasyp, úsh raýndqa josparlanǵan aıqasta tóreshilerdiń biraýyzdan qabyldaǵan sheshimimen qarsylasyna jol berdi. Osylaısha, Djoshýa Van kásibı karerasyndaǵy 8-jeńisine qol jetkizse, Jalǵas Jumaǵulov 9-ret jeńildi.
2020 jyldyń shildesinde UFC uıymymen kelisimshartqa otyrǵan otandasymyz búginge deıin jeti jekpe-jek ótkizip, sonyń tek bireýinde ǵana jeńiske jetý baqyty buıyrdy. Qalǵan alty kezdesýinde qarsylastarynyń osal tusyn taba almady.