28 maýsym men 6 shilde kúnderi Qurban aıt pen Astana kúni toılanatyndyqtan, Qazaqstanda Halyqqa qyzmet kórsetý ortalyqtary men mamandandyrylǵan HQO-lar jumys istemeıdi, dep habarlaıdy Egemen.kz.
Naqtyraq aıtqanda, 7 jáne 8 shilde kúnderi azamattardy saǵat 13:00-ge deıin tek kezekshilik belgilengen HQO-lar men mamandandyrylǵan HQO-lar qabyldaıdy.
«Azamattarǵa arnalǵan úkimet» memlekettik korporasııasy habarlaǵandaı, 1 shilde mamandandyrylǵan jáne qarapaıym Qyzmet kórsetý ortalyqtary úshin jumys kúni sanalady. Bul kúni HQO-lar azamattardy 18:00-ge deıin, mamandandyrylǵan HQO-lar 20:30-ǵa deıin qabyldaıdy.
Aıta ketsek, qazir eldegi mamandandyrylǵan HQO-lar sheteldik kólikterdi tirkeý maqsatynda kúsheıtilgen rejımge kóshti. 1 shildege deıin olar azamattardy jumys kúnderi 9:00-den 19:00-ge deıin (qujattardy berý – 20:30-ǵa deıin), senbi 9:00-den 18:00-ge deıin (qujattardy berý 19:30-ǵa deıin) qabyldaıdy.
Bul rette Halyqqa qyzmet kórsetý ortalyqtary azamattarǵa jumys kúnderi 9:00-den 18:00-ge deıin, kezekshi bólimsheleri - 9:00-den 20:00-ge deıin, senbi kúni - 9:00-den 13:00-ge deıin qyzmet kórsetinin aıta ketý kerek. Sheteldik kólikterdi tirkeý aıaqtalǵannan keıin mamandandyrylǵan HQO-lar osy kestege oralady.