NIS jelisinde on jyldan astam ýaqyt jalǵasyp, dástúrge aınalǵan «Týǵan elge taǵzym» ólketaný jáne ǵylymı-zertteý ekspedısııasy – oqýshylardyń akademııalyq oqý men ǵylymı jobalyq is-áreketterin biriktirýdi júzege asyrýǵa arnalǵan biregeı eksperımentaldy alań. Ár óńirdiń oqýshylary ekspedısııanyń barysynda týǵan ólkesiniń kórnekti jerlerin aralap qana qoımaı, ǵylymı jobalar portfolıolaryn qundy aqparattarmen, zertteýlermen tolyqtyrady, dep habarlaıdy Egemen.kz.
Almaty qalasyndaǵy hımııa-bıologııa baǵytyndaǵy Zııatkerlik mektebi «Týǵan elge taǵzym» jazǵy ólketaný-zertteýlik ekspedısııasy boıynsha Ile Alataý óńiriniń kórnekti nysandaryna joryqqa shyqty. Bir aptaǵa sozylǵan ekspedısııaǵa mekteptiń úzdik oqýshylary iriktelip alynǵan.
О́lkeni aralap qana qoımaı ǵylymı zertteý júrgizgen oqýshylar ekspedısııa barysynda týyndaǵan ıdeıalardy ortaǵa saldy.
Arlan Qosan, 9-synyp oqýshysy: Sarqyramaǵa barar joldyń jaǵdaıyna qarap, «Ekotýrızm» taqyrybynda mobıldik qosymshany ázirleý oıy keldi. Iаǵnı ǵylymı jobamyzdyń maqsaty - Qazaqstandaǵy ekotýrızmdi damytý joldaryn qarastyrý.
Arslan Bazarbaı, 9-synyp oqýshysy: Túrgen shatqalynda ornalasqan Aıýly sarqyramasyna aparar joldyń sapasy óte nashar, úıilgen tastar jaıaý júrginshige bóget jasaıdy. О́kinishke qaraı bul jolmen júrý egde ne múmkindigi shekteýli jandarǵa qıyndyq týyndatady. Bizdiń top osy týraly oılap, onlaın-ekskýrsııalardy uıymdastyrý kerek degen sheshimge keldi. Adam VR-kózildirik kıip, ózin sol jerdegideı sezine alady. Bul ǵalamtordan sýretterdi qaraǵannan álde qaıda qyzyǵyraq emes pe?! Jobamyz belgili bir shekteýleri bar adamdarǵa kómektesip, týrızmdi damytady. Jobamyzdy iske asyrý úshin kerekti jerge baryp, barlyq aımaqty 360⁰ jasap túsirý, jáne ony arnaıy baǵdarlamaǵa salyp, VR-kózildirikter úshin qoldanysqa jaramdy sýretterdi shyǵaryp, onlaın ekskýrsııaǵa daıarlaý kerek. Ony ári qaraı damytý úshin saıt jasaýdy kózdep otyrmyz.
Marııam Syrova, 7-synyp oqýshysy: Ekspedısııa aıasynda biz Sharyn shatqaly, Qaıyńdy kóli men Kólsaı, sondaı-aq Túrgen shatqalyna kiretin eko-týrıstik kempıngterge bardyq. Maǵan Túrgen shatqalynda ornalasqan Aıý sarqyramasy qatty unady. О́ıtkeni onda Qazaqstan landshaftynyń sulýlyǵynan lázzat alyp qana qoımaı, sarqyramadan sýdyń temperatýrasy men sýtegi kórsetkishin zertteý arqyly ózimniń daǵdylarymdy jetildirdim. Biz úshin ártúrli sý qoımalaryndaǵy sýdyń qaınaý temperatýrasy birdeı emes ekeni jańalyq boldy.
Sonymen qatar 7-9 synyp oqýshylary aımaqtyń florasy men faýnasyn zerttedi, Týrgen, Qaıyńdy, Kólsaı sý qoımalaryndaǵy sýdyń jaı-kúıin bildi, RN, qattylyq kórsetkishterin ólshedi.
«Ekspedısııaǵa attanatyn oqýshylar jyl saıyn shamamen 20-30-ǵa jýyq jańa joba bastap, zertteý júrgizedi. Áleýmettik, tehnıka, ınnovasııa salasynda jańalyq ashyp, respýblıkalyq deńgeıde túrli ǵylymı jobalar baıqaýyna qatysady», dedi ekspedısııa uıymdastyrýshysy, Almaty qalasyndaǵy hımııa-bıologııa baǵytyndaǵy Zııatkerlik mektep dırektorynyń orynbasary Laýra Qyzdarbekova.