Aýrý – astan

Kentaý qalalyq ortalyq aýrý­hanasynyń bas dárigeri Asylbek О́tebaevtyń málimdeýinshe, aýrý­hanaǵa jatqyzylǵandardyń 27-si eresek, qalǵany balalar. Ere­sek­terdiń úsheýi – júkti áıel. «Aýrý­hanaǵa jatqyzylǵan barlyq naýqastyń jaǵdaıy turaqty, ortasha aýyrlyqta. Sondaı-aq qanaǵattanarlyq jaǵdaıdaǵy 28 naýqas ambýlatorly emge jiberildi, onyń ishinde 19 eresek, 9 bala bar. Naýqastar jaıynda Kentaý qalalyq TQQB-ǵa shuǵyl habar berilip, tıisti taldamalar alynyp, bakterıologııalyq tekserýge jiberildi. Juqpaly aýrý­lar bólimshesinde 40 tósektik oryn bar, naýqastardyń kóbeıýine baılanysty qosymsha taǵy 40 tósek-oryn qarastyrylyp, beketter ashyldy. Naýqastardyń barlyǵyna qajetti medısınalyq kómek kórsetilip jatyr. Dári-dármekter jetkilikti. Jalpy jaǵdaı tolyq baqylaýda», dedi bas dáriger osy oqıǵaǵa qatysty ótkizilgen brıfıngte.

Túrkistan oblysynyń sa­nı­ta­rııalyq-epıdemıologııa­lyq ba­qy­laý departamenti basshy­sy­nyń orynbasary Asqar Ysqaqov bol­ǵan jaǵdaı negizinde Kentaý qalalyq polısııa bólimi sotqa deıingi tergep-tekserý boıynsha qylmystyq is qozǵaǵanyn aıtty. Bir aıta keterligi, dál osy tamaqtaný ornynda adamdardyń densaýlyǵy men ómirine qaýip keltirýdiń, ıaǵnı jappaı tamaq­tan ýlaný jaǵdaıy osymen úshinshi ret tirkelip otyr. «Bu­ǵan deıin osy dámhanada 2022 jyldyń tamyz aıynda 8 adam, al qazan aıynda 168 adam ýlanyp qalǵan bolatyn. Atalǵan derekter boıynsha sanıtarııalyq-epıdemıologııalyq baqylaý qyzmeti tarapynan zań aıasynda tıisti sharalar qabyl­danǵan. Birinshi jaǵdaıda jeke kásipkerge 230 AEK aıyppul salynyp, quqyq buzýshylyqty joıý týraly uıǵarym berilgen. Al 168 adam ýlanǵan ekinshi jaǵdaıda Qylmystyq kodekstiń 304-baby 1-bóligimen Kentaý qalalyq polısııa bólimi sotqa deıingi tergep-tekserý boıynsha qylmystyq is qozǵaǵan edi. Qylmystyq istiń qaýlysy negizinde SEBB tarapynan jospardan tys tekserý de taǵaıyndalǵan. Tekserý ke­zinde kóptegen kemshilik anyqtal­ǵan. Atalǵan qylmystyq is 2022 jyldyń 30 jeltoqsan kúni aıaqta­lyp, sotqa deıingi tergep-tekse­rýdi toqtatý týraly qaýlyǵa sáı­kes qoǵamdyq tamaqtaný orny­nyń ıesi kúdikti retinde tany­lyp, onyń is áreketinde qyl­mys­tyq quqyq buzýshylyqtyń quramy anyqtalǵan. Alaıda jábirlenýshilermen tatýlasýyna baılanysty, qylmystyq is toqtatylǵandyǵy jóninde QPB-nyń qaýlysy shyǵaryl­ǵan. Osyǵan baılanysty, qa­lalyq sanıtarııalyq-epı­de­mıo­logııalyq baqylaý basqar­masy tarapynan qoǵamdyq ta­maqtaný ornynyń ıesi – jeke kásipker J.Tájibaıulyna ákim­­shilik quqyq buzýshylyq tý­raly hattama toltyrylyp, is-qujattar qalalyq so­t­­qa joldanady. Alaıda sotqa jeke kásipkerge qa­tysty naqty sol fakt boıynsha tulǵa­ny kú­dikti dep taný týraly qaý­ly­nyń bolýyna baılanys­ty is toqtatylsyn dep qaý­ly shy­ǵarǵan. Tergep-tekserý ju­mys­tary barysynda nysan 46 oryn­dyq tamaqtaný orny re­tinde ashylyp, Densaýlyq saqtaý mınıstrliginiń buıryǵyna sáı­kes, epıdemııalyq máni bolmashy obekti retinde Kentaý qalalyq SEB basqarmasyna 2023 jyl­dyń sáýir aıynda qyzmetin bastaý tý­ra­ly habar­lama jibergen», deıdi oblys­tyq sanıtarııalyq-epı­de­mıo­logııalyq baqylaý depar­tamenti basshysynyń orynbasary.

Al kúni keshegi jaǵdaı bo­ıynsha qalalyq polısııa bólimi Qylmystyq kodekstiń 304-baby 1-bóligimen sotqa deıin­gi tergep-tekserý boıynsha qyl­mystyq is qozǵady. Quzyrly oryndardyń tergep-tekserýi ba­rysynda bir­qa­tar kemshilik anyqtalǵan. My­saly, nysanda óndiristik baqylaý baǵdarlamasy joq. Aspazdar men daıashylar aldyn ala profılak­tıkalyq medısınalyq tekserý­den tolyq ótpegen. Jumys isteıtin 20 qyzmetkerdiń tek 12-inde ǵa­na medısınalyq kitapsha bar. Shı­kizat pen ónimniń qaýipsizdigin kýálandyratyn qujattary da tolyq emes. Taǵam daıyndaýǵa qa­jetti ónimderdiń qaıdan alyn­­­ǵany belgisiz. Sondaı-aq ónim­derdi saqtaý kezinde olar­dyń taýarlyq kórshilestigi saq­tal­maǵan, ıaǵnı et ónimderi, qus eti, sút ónimderi, kókónister men jemister, barlyǵy bir tońa­zytqyshta aralasa saqtal­ǵan. Qyzmetkerlerdiń jeke jáne ar­naıy kıimderin, jeke zattaryn saqtaýǵa arnalǵan oryn qarastyrylmaǵan. О́nimderdiń ja­ramdylyq merzimderi ótip ketken. Asqar Ysqaqovtyń má­lim­deýinshe, zerthanalyq zertteýge alynǵan synamalar jumys ústinde.

Halyq «Aýrý – astan» dep beker aıtpaıdy. Ásirese, jazdyń aptap ystyǵynda buzylǵan ta­ǵam men jemis-jıdekten ýlaný qaýpi joǵary. Biraq Kentaýdaǵy «Rızyq-Raıana» dámhanasynan tamaqtanǵandar jazda ǵana emes, byltyr tamyzda jáne qazan aıyn­da da ýlanǵan bolatyn. О́ki­nish­ke qaraı, qazan aıynda 168 adamnyń densaýlyǵyna zııan keltirgen jeke kásipker sol qate­likten sabaq almapty. Sol kezde keshirim bergender keshegi oqıǵadan keıin ókingen de bolar. Al mundaı dámhanalardyń tazalyǵy men tamaq sapasyn qadaǵalaıtyn jaýapty mekemeler aryz-shaǵym túspese tekserýge bolmaıdy degen moratorııdi alǵa tartyp otyr. Iаǵnı byltyr qazan aıyndaǵy oqıǵadan keıin araǵa az ýaqyt salyp jumysyn qaıta bastaǵan dámhananyń qyzmeti múlde tekserilmegen.

Túrkistan oblysy