Qyzylorda oblysy aýmaǵynda Qnet qarjy pıramıdasyn quryp, oǵan basshylyq jasady degen kúdikke ilingen azamatqa qatysty sotqa deıingi tergeý júrgizilip jatyr, dep habarlaıdy Egemen.kz.
Tergeýde anyqtalǵanyndaı ol 2020-2021 jyldar aralyǵynda qarjy pıramıdasyn quryp, onyń qyzmetine 38 adamdy qatystyrǵan. Keltirilgen zalal kólemi 46 mln teńge.
Sot sanksııasyna sáıkes kúdikti kúzetpen ustaý túrindegi sharamen 2 aı merzimge qamaýǵa alynyp, ýaqytsha ustaý ızolıatoryna qamaldy. Sotqa deıingi tergeý jalǵasyp jatyr.