1 shildede Ulan aýdanyndaǵy Prımorsk ormanshylyǵyndaǵy taýly jerde órt shyqty. ShQO TJD ormanshylary men órt sóndirý qyzmeti dereý oqıǵa ornyna attanyp, qyzyl jalynmen kúresýde, dep habarlaıdy Egemen.kz.
ShQO TJD baspasóz qyzmetiniń málimetinshe, jartasty jerde shamamen 0,7 gektar aýmaqta qýraǵan shóp órtengen, qazirgi ýaqytta ashyq jalyn joq.
Áıtse de tehnıka tikeleı oqıǵa ornyna jete almaı jatyr, sondyqtan taýdyń etegine, ıaǵnı múmkindiginshe órtke jaqyn kelýde.
«Ormanshylar men órt sóndirýshiler tik betkeılerdi jaıaý eńserip, rıýkzakty órt sóndirgishterdiń kómegimen otty qolmen sóndirýde. ShQO áýe bólimshesiniń MI-2 tikushaǵymen oqıǵa ornyna ormanshylardyń desanty jetkizildi. Eldi mekenderge qaýip tónip turǵan joq. О́rtti sóndirýge orman sharýashylyǵy, TJD jáne jergilikti atqarýshy organdardan 83 adam, 10 birlik tehnıka jáne ShQO áýe bólimshesiniń 1 MI-2 tikushaǵy jumyldyryldy», delingen ShQO TJD baspasóz qyzmetiniń habarlamasynda.