Abaı oblysy Kókpekti aýdanyndaǵy qamys órti aýyzdyqtaldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Kókpekti aýdanyndaǵy qamys órti búgin saǵat 7:15-te sóndirildi. О́rtti sóndirýge Abaı oblysynyń Tótenshe jaǵdaılar departamenti men jergilikti atqarýshy organdardyń órt sóndirýshileri qatysty.
Eske sala keteıik, 3 shilde kúni Kókpekti aýdany Úlgili-Malshy aýylynan 50 shaqyrym jerde qamys órti tirkelgen edi. Tilsiz jaý 4 shilde saǵat 19:00-de oqshaýlandy. Eldi mekenderge qaýip tóngen joq. О́rtengen ýchaskeniń aýdany shamamen 910 ga qurady.