Prezıdent Qasym-Jomart Toqaevtyń qatysýymen Astananyń 25 jyldyq mereıtoıyna arnalǵan baýyrlas qalalar forýmy ótip jatyr, dep habarlaıdy Egemen.kz.
«Búgin baýyrlas qalalardyń basshylary osy forýmda bas qosyp otyr. Álemniń ár túkpirinen arnaıy kelgen mártebeli meımandar bar. Barshańyzǵa shynaıy rızashylyǵymdy bildiremin. Sizdermen Astana qalasynda kezdesip otyrǵanyma qýanyshtymyn. Bıyl bizdiń elordamyzǵa 25 jyl tolyp otyr. Bul – mereıli beles. Biz shırek ǵasyr buryn astanamyzdy Alataýdyń baýraıynan Arqa tósine kóshirdik. Esildiń jaǵasyna el qondyryp, jańa qalanyń irgesin qaladyq», dedi Prezıdent.
Jıynǵa elordanyń burynǵy ákimderi, elordanyń qurmetti turǵyndary, eńbek ardagerleri, mádenıet, ǵylym, sport qaıratkerleri, ǵalymdar, ustazdar, memlekettik qyzmetshiler qatysyp jatyr.