“Nur Otan” halyqtyq-demokratııalyq partııasy Tóraǵasynyń birinshi orynbasary Nurlan Nyǵmatýlın Norvegııa Koroldiginiń jáne Fınlıandııa Respýblıkasynyń Qazaqstandaǵy Tótenshe jáne ókiletti elshisi Dag Malmer Halvorsenmen jáne Mıkko Kınnýnenmen kezdesti.
Kezdesý kezinde Nurlan Nyǵmatýlın qonaqtardy Qazaqstannyń Prezıdenti, partııa Tóraǵasy Nursultan Nazarbaevtyń partııa aldyna júktegen tapsyrmalary, partııa qyzmeti, partııanyń Qazaqstan Respýblıkasy Parlamentindegi fraksııasynyń, barlyq deńgeıdegi máslıhattar jumystary týraly habardar etti.
Sondaı-aq, aldaǵy 5 jylda ekonomıka salasynda basty strategııalyq qujat sanalatyn 2010-2014 jyldarǵa arnalǵan Qazaqstannyń údemeli ındýstrııalyq-ınnovasııalyq damý baǵdarlamasy týraly da sóz boldy.
Dıplomatııalyq mıssııa jetekshileri Qazaqstannyń, Elbasy Nursultan Nazarbaevtyń Ortalyq Azııadaǵy saıası turaqtylyqty saqtaýda, EQYU keńistiginde qaýipsizdikti nyǵaıtýda júrgizip kele jatqan jumystarynyń mańyzdylyǵyn atap ótti.
Taraptar, sondaı-aq, bolashaq baǵyttardy sóz ete otyryp, aldaǵy ýaqytta da qarym-qatynastyń jan-jaqty damıtynyna senim bildirdi.
“Egemen-aqparat”.