Qazaqstandyq Danıal Rahmatýllaev Iran astanasy Tegeranda 18 jasqa deıingiler arasynda máresine jetken ITF Juniors J100 TEHRAN týrnıriniń chempıony atandy, dep habarlaıdy Egemen.kz.
Qazaqstan tennıs federasııasynan málim etkenindeı, Aqtaý tennıs mektebiniń túlegi, 16 jastaǵy Danıal Rahmatýllaev (284 ITF Juniors) fınalda kort ıesi Amıralı Gavamany 6:0, 6:1 esebimen utty.
Bir qyzyǵy, Danıal barlyq qarsylastaryn 6:0, 6:1 esebimen jeńdi.
Aıta keteıik, bul Rahmatýllaevtyń Irandaǵy ekinshi tıtýly. Budan bir apta buryn osyndaı jarysta jeńimpaz atanǵan edi.
Taǵy bir qazaqstandyq Jaqas Qozybaq juptyq synda úzdik shyqty. Ol reseılik Dmıtrıı Býrtsevpen birge tartysty ótken sońǵy básekede qazaqstandyq Zańǵar Nurlanuly – ırandyq Krısh Tıadjıdi 7:6 (7:3), 3:6, 10:8 esebimen jeńgen edi.