«Qazgıdromet» RMK 9 shildege arnalǵan aýa raıy boljamyn usyndy, dep habarlaıdy Egemen.kz.
Sınoptıkterdiń boljamy boıynsha, elimizde turaqsyz aýa raıynyń sıpaty saqtalady.
«Atmosferalyq frontaldy bólikterdiń ótýine baılanysty elimizdiń shyǵysynda, ońtústiginde, ońtústik-shyǵysynda, soltústik-shyǵysynda turaqsyz aýa raıy kútiledi, jańbyr jaýady, respýblıkamyzdyń ońtústik-shyǵysynda, shyǵysynda naızaǵaı oınap, burshaq jaýady, qatty jel turyp, nóser bolady», dep habarlady sınoptıkter.
Respýblıka boıynsha jel ekpin alady dep kútiledi. Elimizdiń batysynda, soltústik-batysynda, soltústiginde jaýyn-shashynsyz aýa raıy bolady.