Esildiń jaǵasynan boı kótergen eńseli elordamyzdyń 25 jyldyǵyna oraı О́skemendegi oblystyq Pýshkın atyndaǵy kitaphanada «Astanańdy beınele» atty balalar kórmesi ótti.
О́skemende ónerli balalardy baýlıtyn ondaǵan sýret úıirmesi bar. Sonyń biri – «Juldyz» óner mektebi. Atalǵan mektep oqýshylary Astana kúnine oraı ótetin kórmege apta buryn daıyndala bastaǵan. Oqýshylardyń biri Astana qalasyndaǵy kórikti ǵımarattardy beınelese, endi biri qııalǵa erik bergen.
– Kitaphanamyz qaı merekeni bolsyn, erekshe daıyndyqpen ótkizedi. Búgingi merekelik baǵdarlamada sýret kórmesi de uıymdastyrylyp otyr. Buǵan biz «Juldyz» óner mektebiniń oqýshylarymen qatar «Gornyı reýcheı» sýret úıirmesiniń qylqalam sheberlerin tarttyq. Kórmege qoıylǵan jumystary tereń maǵynaǵa ıe. Astana kúnine oraı ótkizilip jatqan kitaphana foıesindegi bul kórme bir aptaǵa sozylady, – deıdi kitaphana qyzmetkeri Nazgúl Qydyrova.
Iá, Astana – halqymyzdy biriktirgen otanymyzdyń júregi jáne ult maqtanyshy. Sony kóre bilgen kishkentaı sýretshiler qylqalam, qaryndashtyń kómegimen el astanasyna degen súıispenshilikterin jáne ásem qaladan alǵan áserlerin sýretter arqyly beınelegen. Sýretshilerdiń biri Astana áli de qaryshtaı damı túsedi degendi meńzese kerek, ǵarysh keńistigin beınelegen. Qarap tursaq, balalardyń qııaly ushqyr, sezimi taza. Aıta keterligi, dál osyndaı kórme oblystyń ózge de kitaphanalarynda ótip jatty.
Shyǵys Qazaqstan oblysy