Balqash JEO-synda №5 qazandyqtyń qurylysy júrip jatyr. Jóndeý jumystarymen negizgi jáne qosalqy jabdyqtar qamtylǵan. Osy sharalardyń barlyǵy jylý tapshylyǵy máselesin sheshedi jáne turǵyndardyń úılerindegi jylýmen jabdyqtaýdy jaqsartady.
Premer-mınıstrdiń birinshi orynbasary Roman Sklıar Balqashqa sapary barysynda qalanyń tynys-tirshiligin qamtamasyz etetin negizgi nysandar jumysymen tanysty.
Qazir jylý magıstralinde №5 qazandyqtyń jekelegen shaǵyn toraptaryn montajdaý aıaqtalyp keledi. Osydan keıin jabdyq gıdravlıkalyq synaqtan jáne gaz-aýa jolynyń tyǵyzdyǵyn tekserýden ótedi. Bolashaqta qazandyqty ornatý «Kazakhmys Energy» JShS BJEO jumysyn jaqsartyp qana qoımaı, lastaýshy zattardyń shyǵaryndylaryn azaıtýǵa tıis.
Kompanııa «Tarıfti ınvestısııaǵa aıyrbastaý» baǵdarlamasyna kirý úshin Energetıka mınıstrligine ótinim berdi. Osynyń arqasynda jabdyqtardy jańartý múmkindigi paıda bolady.
«Bıyl jóndeý naýqanyna ótken jylmen salystyrǵanda kóp qarajat bólindi – 4,2 mlrd teńge. Jylytý maýsymynyń sapaly ótýi úshin eki qazandyq pen eki týrbınany kúrdeli jóndeýden ótkizýge daıyndaý qajet. Jylý berý maýsymy bastalǵanǵa deıin qoımalarda otyn bolýy úshin kómir qoryn tez qalyptastyrý qajet. Qazir bul máseleni QTJ jáne ákimdikpen pysyqtap jatyrmyz», dedi «Kazakhmys Energy» JShS basshysy Temirlan О́tegenov.
Premer-mınıstrdiń birinshi orynbasary jylý jáne sý qubyry jelileri jóndeletin ýchaskelerde boldy. 2022 jyly qalada №1 jáne 2 magıstraldyq jylýmen jabdyqtaý jelilerin qaıta qurý bastaldy. Josparlanǵan 10,6 shaqyrymnyń 5,2-si aýystyryldy. Jumys 2024 jyly aıaqtalýǵa tıis.
Sondaı-aq ótken jyly Balqashta 2-shi jáne 3-shi kezektegi qalaishilik sý qubyryn qaıta jańartý bastaldy. 124 km qubyr jańartylady dep kózdelip otyr. 2022 jyly qurylysshylar 8,6 km jeli saldy. Bıylǵy josparda – 30 km. Jumys bir ýaqytta bes ýchaskede júrgizilip jatyr.
Sonymen qatar Roman Sklıar jol qurylysy máseleleri boıynsha jumys keńesin ótkizip, «Qaraǵandy – Balqash» avtojolynyń ýchaskesin rekonstrýksııalaý barysymen tanysty. Búgingi tańda jumystar 71%-ǵa oryndaldy. Barlyǵy 363 km jol tósemi jóndeledi. Merdigerler aýyl sharýashylyǵy tehnıkasy úshin 32 jol ótpesin, 11 kópir, eki kólik aıryǵyn salady, 310 sý ótkizý qubyryn tóseıdi. Qoldanystaǵy ınjenerlik kommýnıkasııa jelilerin qaıta qurý josparlanǵan. Jumabek, Aqsý, Aqshataý, Balqash sııaqty eldi mekender úshin aınalma joldar salyndy. «Aqsý – Aıýly» arqyly aınalma jol aıaqtalýǵa jaqyn.