Prezıdent Qasym-Jomart Toqaev Astana memlekettik qyzmet haby Basqarýshy komıtetiniń tóraǵasy Álıhan Baımenovti qabyldady. Kezdesý barysynda memlekettik qyzmet salasyndaǵy qazirgi úrdister men damý perspektıvalary talqylandy, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Astana haby memlekettik basqarý júıesin damytý máseleleri boıynsha saraptamalyq turǵyda mańyzdy qoldaý kórsetip otyrǵanyn atap ótti.
Qasym-Jomart Toqaev memlekettik apparatty bıýrokratııadan aryltý, bılik ókilettikterin ortalyqsyzdandyrý jáne memlekettik organdar qyzmetine jobalyq ádisti belsendi engizý arqyly ákimshilik reformany tıimdi júzege asyrý mańyzdy ekenin aıtty.
Sonymen qatar kezdesýde qoǵamdy odan ári uıystyrý, atap aıtqanda, zań men tártipti saqtaý, kásibılik jáne eńbek adamynyń rólin arttyrý sekildi qundylyqtardy qalyptastyrýdyń mańyzdylyǵy qarastyryldy.
Budan bólek, Álıhan Baımenov Prezıdentke Dúnıejúzilik toǵyzqumalaq federasııasynyń jumysy týraly málimet berdi. Memleket basshysy ulttyq oıynymyzdy elimizde jáne shetelde odan ári dáripteý mańyzdy ekenin atap ótti.
Qasym-Jomart Toqaev kelesi jyly Qazaqstanda ótetin Dúnıejúzilik kóshpendiler oıyndaryn joǵary deńgeıde uıymdastyrý qajettigine nazar aýdardy.