11 shildege arnalǵan aýa raıy boljamy

«Qazgıdromet» mamandary usynǵan málimetke sáıkes, eldiń basym bóliginde antısıklonnyń ekpinimen kún raıy jaýyn-shashynsyz bolady, tek respýblıkanyń batysynda atmosferalyq frontaldy bólikterdiń ótýimen naızaǵaı oınap, jańbyr jaýady.

Sınoptıkterdiń boljamyna qaraǵanda, jel kúsheıedi, eldiń batysynda, ońtústik-batysynda, ońtústiginde shańdy daýyl turady.

Astanada kóshpeli bult shyǵady, jaýyn-shashynsyz. Ońtústikten 3-8 m/s jel soǵady. Aýa temperatýrasy túnde +17+19°S, kúndiz +35+37°S. 

Almatyda kún ashyq. Jeldiń ekpini 0-5 m/s bolady. Aýa temperatýrasy túnde +16+18°S, kúndiz +30+32°S.

Shymkentte kóshpeli bult shyǵady, jaýyn-shashynsyz. Shyǵystan, ońtústik-shyǵystan 8-13 m/s jel soǵady. Aýa temperatýrasy túnde +21+23°S, kúndiz +37+39°S.