Halyq únine qulaq asty

Jańa ǵımaratty paıdalanýǵa berý ýaqyty – 2024 jyldyń ta­myz aıyna josparlanǵan. Jo­banyń jalpy quny – 7 mlrd teńge. Qazirgi ýaqytta qurylys ju­mystary qarqyndy júrip jatyr. «Mektep qurylysyna biz tolyqtaı otandyq ónimderdi paıdalanyp jatyrmyz. Jergilikti depýtattar nysan basyna apta saıyn kelip, qurylys barysyn baqylap otyr. Ǵımarat keler jyldyń sońyna qaraı tolyǵymen paıdalanýǵa beriledi», dedi «Bazis construction» JShS-niń ókili.

Qurylys alańyn aralap kórgen depýtattar birqatar máselege nazar aýdardy. «Merdigerler mektepti ýaqytynda salyp bitýge tıis. Árıne, birinshi kezekte qury­l­ys sapasy talapqa saı bolsa deımiz. Sonymen birge qajetti qu­ral-jabdyqtarmen qamtamasyz etilýin, barlyq standartqa saı bo­lýyn turaq­ty baqylaýda ustaý qajet», dedi Maksım Rojın.

Jańa oqý ordasynda bala­lardyń sapaly bilim alýyna barlyq jaǵdaı jasalmaq. Mek­tepte oqý kabınetterimen qatar, sport zaly, májilis zaly, ashana, kompıýterlik synyptar bolady.

Májilis depýtattary jer­gilikti ákim­dik­ke memleket qar­jysyna salynyp jat­qan ny­san­nyń sapasyna erekshe mán berýdi tapsyrdy. Sondaı-aq sala bas­shylarynyń ótinishterine qu­laq túrip, kún tártibindegi máse­lelerdi nazarǵa alatyndaryn jetkizdi. Bilim mekemelerinde sa­nıtarlyq jabdyqtardyń tolyq bolýy men talaptardyń qatań saqtalýy kerek ekenin eskertti.

Sapar barysynda depýtat­tar Ulttyq ulannyń Qarakemer ken­tinde ornalasqan 6654 áskerı bó­limi sarbazdarymen de kez­desti. «Amanat» partııasynyń «Halyqpen birge!» baǵdarlamasyn júzege asyrý maqsatynda áskerı bólim­niń tynys-tirshiligimen ta­nysyp, jeke quramnyń hal-ahýal­y men jaǵdaıyn bildi. Bólim komandıri Jandos Qasymov qonaqtarǵa áskerı qalashyqtyń tynys-tirshiligi, bólim qyzmetshi­leriniń jaýyn­ger­lik mindetteri men turmysy týraly baıandady. Onyń aıtýynsha, munda sarbazdarǵa barlyq jaǵdaı jasalǵan. Eli­mizdiń ár túkpirinen kelgen jaýyn­ger jastar 27 mamandyq boıynsha oqytylady. Sonymen qatar byltyrdan bastap ás­kerı bólimde kólik júrgizýdi úı­renip, «D» kategorııasynyń júr­gizýshisi kýáligin alýǵa múm­kin­digi bar.

«El qaýipsizdigin qamtamasyz etý úshin áske­rimiz áleýetti bolýy kerek. Ja­qynda shekaralyq aımaq­taǵy áske­rı­lermen kezdestik. Barlyǵyna birdeı jaǵdaı jasalmaǵan. Biz olardyń máse­le­lerin bılikke jet­kizip, oń sheshim tabýyna barynsha kúsh salamyz. О́ıtkeni kúsh­tik qurylymǵa qashan da aıryqsha kóńil bólinýi qajet», dedi Maqsat Tolyqbaı. Sonymen qatar, ol áskerı qyzmet­shi­ler­diń ja­laqysyn kóterý jáne adam basyna tólenetin páteraqy máselesi de kún tártibinde turǵandyǵyn, onyń depýtat­tar nazarynan tys qal­maıtynyn atap ótti.

Budan keıin Májilis depýtattary Esik qalasy jáne Tashkensaz aýylynyń turǵyndarymen de kezdesip, olardyń ótinish-tilek­terin tyńdady. Turǵyndar saıa­jaılarǵa aýyl mártebesin berý týraly ózekti máseleni ortaǵa sa­lyp, usy­nys­taryn jetkizdi. Keı saıajaılarda sý qubyry men asfalttyń joqtyǵy da kúrmeýi qıyn problema bolyp turǵanyn qulaqqaǵys etti. Depýtattar tur­ǵyndar tilegin tyńdap, ár máse­leniń ýaqytyly sheshimin tabýyna kúsh salatynyn aıtty. Depý­tattar sapar barysynda aýdan ortalyǵyndaǵy órt sóndirý bó­limin aralap, olardyń jumys­ymen de tanys­ty.

Almaty oblysy