Almaty turǵyndary jyl basynan beri qoǵamdyq oryndarǵa qoqys tastaýǵa qatysty usaq quqyq buzýshylyqtar úshin 91 mıllıon teńgeden astam aıyppul tóledi, dep habarlaıdy Egemen.kz.
Qalalyq polısııa departamentiniń baspasóz qyzmeti habarlaǵandaı, polısııa usaq quqyq buzýshylyqtarǵa «múldem tózbeýshilik» ornatý boıynsha jumys istep jatyr.
«Biz bul salaǵa erekshe mán beremiz, óıtkeni qoqys tastaý, jol qozǵalysy erejelerin buzý jáne basqa da zańsyz kórinister bolsyn, usaq quqyq buzýshylyqtar úshin jazalanbaý azamattardyń bolashaqta asa aýyr áreket nemese qylmys jasaýyna ákeledi», dep túsindirdi Almaty qalasy Polısııa departamentiniń jergilikti polısııa qyzmeti bastyǵynyń orynbasary Dıas Dýanbekov.
Almaty polısııasy QR ÁQBtK-niń 434-2 babyna sáıkes qoǵamdyq oryndardy lastaý boıynsha 5 AEK (17 250 teńge) kóleminde aıyppul salynyp, jaýapkershilikke tartylatynyn eske saldy. Almatyda jyl basynan beri atalǵan ákimshilik bap boıynsha 5370 quqyq buzýshylyq anyqtalyp, aıyppuldyń jalpy somasy 91 mıllıon teńgeden asty.