Atyraý soty INFINITY TRAVEL M týrıstik agenttiginiń dırektoryn alaıaqtyq úshin bes jylǵa bas bostandyǵynan aıyrdy, dep habarlaıdy Egemen.kz.
«Aq Jaıyqtyń» habarlaýynsha, týragenttik dırektory 30 mıllıon teńgeni jymqyrǵan. Endi ol QR Qylmystyq kodeksiniń 190-baby 3-bóliginiń 3-tarmaǵy (Eki nemese odan kóp adamarǵa qarsy alaıaqtyq) boıynsha jaýap berýi kerek. Sondaı-aq sot ony jábirlenýshilerge aqshany qaıtarýdy mindettedi.
Aıta keteıik, ótken jazda Atyraýdyń jıyrmadan astam turǵyny osy týrıstik agenttikten shetelde demalýǵa joldama satyp alǵan. Biraq olardyń sapary ótpeı, 42 jastaǵy agenttik basshysy iz-túzsiz joǵalyp ketkeni habarlanǵan edi.2022 jyldyń 26 tamyzynda alaıaqqa aldanǵan 23 klıent qalalyq ishki ister bólimine ujymdyq aryz jazǵan.