Qyzyqqa toly saıahat

Ertis aýdanynda jalpy bilim beretin 25 mektep bar bolsa, so­nyń jartysynan kó­bi týrıstik saıa­hatqa belsene qa­tysty. Birlik negizgi mekte­bi­niń ujymy sletke barǵan bar­­sha qatysýshyny qu­shaq jaıa qarsy alyp, naǵyz qazaqy ­mi­nez tanytyp, qonaqjaıly­lyq kór­setti. Odan ári balalar men ustazdardy elimizdiń kıe­li jer­leriniń qataryna kiretin Túgel batyr zıratyna aparyp, babalar rýhyna taǵzym jasaldy. Birlik mektebiniń muǵalimi Dınara О́mirbekova balalar­ǵa Túgel batyrdyń ómir tarıhynan syr shertti. HVIII ǵasyrda jońǵar basqynshylaryna qarsy kúreste qol bastaǵan sardar­dyń esimi Pavlodar, Kókshetaý, Omby, Aqmola oblystaryna keńinen taraǵan. Batyrdyń to­ǵyz áıelinen taraǵan 16 uldyń urpaqtary atalǵan óńirlerde turady. Ertis aýdanynyń je­rinde Qorǵankól, Naıza, Bó­gen­baı, Qaramola, Jazy tóbe, Qalmaq molasy, Moınaq aýyly, Moınaq kóli, Jalaýly degen ataýlar bar. Osy ataýlardyń bári de – jergilikti halyqtyń basqynshylarmen bolǵan soǵys tarıhynyń kýási.

Odan ári kóńildi kún óz jal­ǵasyn taýyp, uldar balyq aýlaý jarysyna belsene kirisse, qyzdar dalada as pisirip, ot ja­ǵý saıystarynda baq synady. So­nymen qatar dala jaǵdaıyn­da alǵashqy dárigerlik kómekti kór­setý boıynsha oqý­shylar synǵa tústi. Naǵyz týrıstik oıyn­­dar­dyń biri – «Arqanǵa ór­me­leý». Dál osy oıynda bala­lar óz­deriniń qanshalyqty tózimdi ári epti ekenin, salamatty ómir saltyn ustanyp, únemi sportpen shuǵyldanyp júrgenin dáleldedi.

Jeńimpaz oqýshylar men qatysýshylarǵa baǵaly syı­lyqtar men táttiler berildi. Sletke Ertis aýdan­dyq más­lıhatynyń depýtaty, Birlik aýylynyń turǵyny Saǵymbaı Ýabov demeýshilik ja­saǵanyn aıta keteıik.

Qosymsha bilim berý peda­gogteri men oqýshylar osy kúni bir serpilip, tabıǵatpen etene aralasyp, erekshe kóńildi boldy. Jaıdarly jazdy ertistik órender osylaı qyzyqty ótkizip jatyr.

Narqulan RAIHANULY,

qosymsha bilim berý pedagogi

Pavlodar oblysy,

Ertis aýdany