О́ńirdiń ózekti máselesi

Májilis depýtaty Kenjeǵul Seıtjan óńirlerge issapary aıasynda Atyraý oblysyna bardy. Oblys ortalyǵyndaǵy №3 arnaýly áleýmettik qyzmetter kórsetý ortalyǵynyń basshylarymen kezdesip, jumysymen tanysty.

Ortalyq barlyq dárejedegi aqyl-oı kemistigi men zaǵıptyǵy, bas mıynyń organıkalyq zaqym­dan­ǵannan keıingi bógde adamnyń turaqty kútimin qajet etetin psıhonevrologııalyq patologııasy bar 3 jastan 18 jasqa deıingi múgedek balalardyń turýyna arnalǵan. Qyzmet alýshylarǵa úı jaǵdaıyna jaqyndatylǵan, jasy men densaýlyǵyn, jeke qajettilikterin eskere otyryp, olardyń jeke damý, áleýmettený jáne ortaǵa beıimdelý deńgeıin arttyrýǵa baǵyttalǵan arnaýly áleýmettik qyzmet kór­setiledi.

Sondaı-aq depýtat mundaǵy qyzmetkerler óz isteriniń mamandary ekenin ári jumystaryn súıispenshilikpen oryndaıtynyn atap ótti. Ortalyq basshylyǵy tárbıelenýshi balalarǵa beriletin arbalar sapasynyń tómendigi jáne keı erekshe qajettilikteri bar balalarǵa qoldaný qıyndyq týǵyzatyny jóninde shaǵymdaryn aıtty.

***

Astanada Senat depýtaty Bıbigúl Jeksenbaı «Amanat» par­tııa­synyń qalalyq fılıaly men qalalyq qurylys bas­qar­masynyń ókil­derimen birge elordadaǵy Q.Muńaıt­pasov atyn­daǵy Ortalyq stadıonda boldy.

Sport ǵımaraty birneshe jyl buryn apatty jaǵdaıǵa baılanys­ty jabylǵan bolatyn. Depýtatqa sapar barysynda fýtbol ortaly­ǵynyń jańa qurylysynyń jobasy tanystyryldy. Budan buryn osy stadıonǵa kúrdeli jóndeý jumystaryn jasaý kózdelgen bolatyn. Mamandar máseleni zerdeleı kelip, ony jańadan salǵan tıimdi ekeni anyqtaldy. Qazirgi kezde álemdik standarttar boıynsha fýtbol birinshilikterin ótkizý múmkindigi bar 4 500 oryndyq tolyqqandy stadıon salý týraly sheshim qabyldanǵany aıtyldy. Joba boıynsha tek fýtbol ǵana emes, sonymen qatar sta­dıon aýmaǵynda balalar men jas­óspirimderdiń sportpen shuǵyl­daný múmkindigi qarasty­rylǵan.

Depýtat Bıbigúl Jeksenbaı óz kezeginde balalar men jasós­pirimderdiń jan-jaqty damýy úshin qolaıly jaǵdaılar jasaý, onyń ishinde ónerdi zertteý jáne sportpen shuǵyldaný memlekettiń basymdyǵy bolyp sanalatynyn jetkizdi. Bilimdi, tárbıeli jáne deni saý urpaq ulttyń eń qymbat ıgiligi ekenin jetkizdi. Kezdesý barysynda senatorǵa Astanada salynýy josparlanǵan basqa da nysandar boıynsha aqparat aıtyldy.

***

Májilis depýtaty, «Amanat» fraksııasynyń múshesi Erlan Abdıev Túrkistan oblysy Qazyǵurt aýdanynyń Amankeldi eldi mekenine baryp, jalpy orta bilim beretin mekteptiń qurylys jumysymen tanysty.

Onda 150 orynǵa arnalǵan qosymsha mekteptiń qurylysyn júrgizip jatqan merdigermen jáne tapsyrys berýshimen nysandardy salý úderisinde týyndaıtyn problemalyq máse­le­lerdi talqy­lady. Atalǵan nysan 2022 jyl­dyń mamyr aıyn­da bastalǵan, qarjynyń jetis­peýshiligine baı­la­nysty qurylys toqtap, bıylǵy jyldyń naýryz aıynda qar­jysy bólinip, qazirgi tańda qurylys jumystary qarqyndy júrgizilýde.

Sapar barysynda depýtat qu­rylysy júrip jatqan Saraphana aýyldyq okrýgi, Maıly­oshaq eldi meke­ninen 200 oryndyq A.Baıtursynov atyndaǵy jalpy orta mektebine bardy. Bilim oshaǵynyń qurylysyn «О́mirzaq» JShS júrgizýde. Qurylys 2021 jyly bastalǵan. Bıyl jeltoqsan aıyna deıin aıaqtalýy tıis. Májilis depýtaty qos nysandy aralaý barysynda qu­ry­lystyń birqatar atqarylýy tıis jumystaryna nazar aýdardy.

***

Senator Qaırat Tastekeev Abaı oblysyndaǵy Aqsýat jáne Kókpekti aýdandarynyń turǵyndarymen jáne máslıhat depýtattarymen kezdesti.

Senator kezdesý barysynda turǵyndarmen sóılesip, aı­maqtyń jaǵdaıymen tanysty. Depýtat sondaı-aq VIII saılanǵan Parlamenttiń birinshi sessııasy aıasynda atqarylǵan jumystar týraly turǵyndardy habardar etti.

«Senat osy ýaqyt ishinde Memleket basshysynyń elimizdi jańǵyrtý jónindegi reformalaryn zańnamalyq qamtamasyz etý jóninde aýqymdy jumys atqardy. Parlament úsh aıda 25 zań qabyldady. Onyń ishinde 10 zań depýtattyq korpýstyń bas­tamasymen ázirlendi», dedi senator.

Kezdesý sońynda turǵyndardy tolǵandyratyn máseleler tal­qy­landy jáne Parlament qabyl­daǵan zańdar boıynsha jan-jaqty pikir almasý óristedi.

***

Májilis depýtaty, «Amanat» fraksııasynyń múshesi Baýyrjan Smaǵulov Shahtınsk qalasynda bolyp, «Shah­tıns­kteploenergo» JShS-ǵa tıe­sili jergilikti jylý elektr orta­ly­ǵyna bardy.

Sapar barysynda halyq qa­laý­­lysy jylý elektr ortaly­ǵyn­daǵy bir­qatar máseleni anyq­tady. Ony ýaqtyly sheshpegen jaǵdaıda, qala turǵyndary qysta jylýsyz qalady. Bıyl mamyrda 1, 3, 4-qazandyqtardy jóndeý jumysy bastaldy. Bul jumys 15 qyrkúıekte aıaqtalýy tıis. Depýtat JEO-ny jańǵyrtý máselesin óz baqylaýyna alatynyn málimdedi.

Jalpy, Qaraǵandy oblysynda jalpy 247,3 shaqyrym jylýmen jabdyqtaý jelilerin kúrdeli jóndeýden ótkizý jáne qaıta jańǵyrtý, 320 shaqyrym elektrmen jabdyqtaý jelilerin kúrdeli jóndeýden ótkizý jáne qaıta jańǵyrtý, 110,8 shaqyrym sý burý jelilerin jáne taǵy basqalardy kúrdeli jóndeýden ótkizý jáne rekonstrýksııalaý josparlanýda.

***

Senat depýtattary Álı Bektaev, Murat Qadyrbek jáne Alısher Satvaldıevtiń Túrkistan oblysyndapǵy sapary Qazyǵurt aýdanynda jalǵasty.

О́ner mektebinde jergilikti tur­ǵyndarmen bolǵan kezdesýge ardagerler keńesiniń múshe­leri, kásipkerler men sharýalar, aýdandyq máslıhat depýtattary jáne qoǵamdyq uıym­­dardyń ókilderi qatysty. Se­na­­torlar kezdesý barysynda qa­byldanǵan ulttyq jáne ha­lyqaralyq zańnamanyń baptary men oǵan tolyqtyrýlar týraly jınalǵandarǵa jan-jaqty túsindirip, óńirdegi máse­le­ler boıynsha pikir almasty. Áńgime barysynda memlekettik shekaranyń tozǵan baǵanasyn, joldardy, kúrdeli jóndeýdi qajet etetin nysandardy retke keltirý, sondaı-aq aýdan­da týrızm salasyn damytý, kásipkerlikti qoldaý jáne shar­ýa­larǵa tómen paıyzben nesıe berý sııaqty máseleler qozǵaldy. Senatorlar óz keze­ginde kóterilgen barlyq máse­le­ler Parlamenttiń aldaǵy sessııasy barysynda olardyń nazarynda bolatynyn atap ótti.

Parlamentshiler sonymen qatar Sharbulaq aýyldyq okrý­giniń Aqbastaý eldi mekenin­degi 150 oryndyq mektepke baryp, sondaı-aq qosymsha salynyp jatqan aýyz sý qoımasy qurylysynyń barysymen tanysty.