Tótenshe jaǵdaılar mınıstri Syrym Sháriphanov órt sóndirýshiler men qutqarýshylar úshin jańa forma ázirleýge kirisýdi tapsyrdy, dep habarlaıdy Egemen.kz vedomstvonyń baspasóz qyzmetine silteme jasap.
Mınıstrdiń tapsyrmasyna sáıkes jaýapty qyzmetkerlerden turatyn jumys toby qurylady, olar yńǵaıly jáne fýnksıonaldy arnaıy forma jasaý jónindegi qatardaǵy órt sóndirýshiler men qutqarýshylardyń barlyq usynystaryn eskeredi. Jumys toby osy baǵyttaǵy eń úzdik álemdik tájirıbelerdi de nazarǵa alady.
«О́rt sóndirý jáne avarııalyq-qutqarý jumystary kóbinese jeke quram úshin qıyn, ári kúrdeli túrde ótedi. Osyǵan baılanysty forma yńǵaıly da, fýnksıonaldy da bolýy kerek. Bizdiń mindetimiz – qutqarýshylarǵa ózderiniń fýnksıonaldyq mindetterin oryndaý kezinde barynsha jaılylyqty qamtamasyz etý. Dál osyndaı taktıka olardy zamanaýı qutqarý tehnıkasymen qamtamasyz etýge qatysty bolýy kerek», dedi Syrym Sháriphanov.