QR Parlamenti Senatynyń depýtaty Bekbol Orynbasarov Mańǵystaý oblysyndaǵy jumysy aıasynda áleýmettik nysandardy aralap, kásiporyndardyń eńbek ujymdarymen áńgimelesti, dep habarlaıdy Egemen.kz.
Senator «Aqtaý teńiz porty AEA» AQ-ǵa baryp, arnaıy ekonomıkalyq aımaqtyń jumysymen jáne ony odan ári damytý josparymen tanysty. Depýtat ekonomıka salalaryndaǵy qoldaý sharalaryna túsinikteme berdi jáne óńdeý ónerkásibin odan ári damytýǵa baǵyttalǵan negizgi tetikterge toqtaldy.
- «Aqtaý teńiz porty» arnaıy ekonomıkalyq aımaǵy óńirdegi ónerkásip draıveri bolyp esepteledi. Jyl saıyn aımaqqa keletin sheteldik ınvestorlardyń sany kóbeıip, jańa jumys oryndaryn ashýǵa qosymsha serpin beriledi, dep atap ótti Orynbasarov.
Sapar barysynda «Atameken» óńirlik kásipkerler palatasynyń basshylyǵymen de kezdesý uıymdastyryldy. Kezdesýde kásipkerlik salasyn damytý, otandyq jáne sheteldik ınvestorlardy tartý máseleleri talqylandy. Senator sondaı-aq túrli problemalyq máseleler boıynsha turǵyndardy da qabyldady.
Depýtat «Kaspıı tushylandyrý zaýyty» JShS-de bolyp, tushylandyrý zaýytyn keńeıtý jobasymen tanysty. Zaýytta jańǵyrtý jumystary aıaqtalǵannan keıin táýligine 40 myń tekshe metr teńiz sýyn tushytýǵa múmkindik beretini aıtyldy. Bekbol Orynbasarov atalǵan kásiporynnyń mańyzdylyǵyn atap ótip, jóndeý-ornatý jumystarynyń jaqyn arada sátti aıaqtalatynyna senim bildiretinin jetkizdi.