Kerekýdi alańdatqan órt

Tótenshe jaǵdaı mamanda­rynyń dereginshe, «Ertis ormany» rezervatynda 15 shilde kúni túste bastalǵan órt arada bir táýlik ótkende baryp aýyz­dyqtaldy. Ekpindi jel men aptap ystyqtyń saldarynan tilsiz jaý orman aralyqtarynda jyldam tarap, alǵashqy sátterde órt sóndirýshiler jalyndy ba­qylaı almaǵan. Jaǵdaıdyń kúr­delenip bara jatqanyn es­ker­gen Tótenshe jaǵdaılar mınıstri Syrym Sháriphanov pen Pavlodar oblysynyń ákimi Asaıyn Baıhanov oqıǵa ornynda bolyp, órtke qatysty soń­ǵy málimetterdi jarııalap otyr­ǵanyn kózimiz shaldy. О́rt­ke baılanysty jedel shtab qury­lyp, ǵaryshtan monıtorıng jasaý arqyly málimetter jınaldy.

Tótenshe jaǵdaılar mınıstr­liginiń baspasóz qyzmeti habar­laǵandaı, órt Sharbaqty aýdany­nyń Stepnoe jáne Baýyrtal orman­shylyqtarynda oryn alǵan. Tótenshe jaǵdaılar mınıstri men oblys ákimi aýmaqty áýeden barlap shyqty. Alǵashqy táýlikte 98-oramdaǵy órt erekshe kú­sheıip, birneshe eldi mekenge qaýip tóndirgeni ras. Birneshe aýyldyń halqyn ózge aýmaqqa kóshirý de josparlandy. Abyroı bolǵanda órt sóndirýshiler tilsiz jaýdyń ekpinin toqtatyp, ári jeldiń baǵyty da ózgerip orman órti tejeldi. «Ertis ormany» rezervatynyń aqparatyna súıensek, órtengen aýmaqtyń aldyn alý aýdany 850 gektardy qurap otyr.

О́ńirlik tótenshe jaǵdaılar departamenti memlekettik órt baqylaý basqarmasy basshy­synyń orynbasary, azamattyq qorǵaý podpolkovnıgi Berik Oma­rovtyń aıtýynsha, orman­dy jerlerdegi órt negizi­nen jalqaraǵaılardyń joǵary bólikterin sharpyǵan. Tilsiz jaý­men kúreske jergilikti jáne Astana qalasy men Shyǵys Qa­zaqstan, Qaraǵandy oblysta­rynyń tótenshe jaǵdaı kúshteri men quraldary jumyldyrylǵan. 101 tehnıka men 6 tikushaq, 361 órt sóndirýshi ormanda laýlaǵan qyzyl jalyndy aýyzdyqtap, qa­zirgi kúni aýmaqtaǵy ot osha­ǵyn tolyq sóndirý sharalaryn jal­ǵastyryp jatyr. MI-8 jáne Eurocopter tikushaqtary arqyly sońǵy eki táýlikte órt bolǵan jerlerge 144 sharshy metr sý shashylǵan.

– Taǵy bir iri órt oqıǵasy Baıan­­aýyldaǵy memlekettik ult­tyq tabıǵı orman parkinde tirkeldi. 14 shilde kúni Qyzyltaý aýylynan 20 shaqyrym jerde jaıylymdyq jáne shabyndyq jerlerde jalyn tutanǵan. Dalba orman sharýashylyǵynyń 115, 117, 118 oramdaryna tıesili 20 gektar jer órtengen. Al aýmaq­ta kúıik shalǵan jer­lerdiń jalpy aýmaǵy 800 gektardy qurap otyr. Ondaǵy jalyndy aýyzdyqtaýǵa jergilikti tó­tenshe jaǵdaı qyzmetiniń 27 qyzmetkeri men 7 tehnıka, ult­tyq parktiń 22 qyzmetkeri, son­daı-aq erikti órt sóndirý qurylymynan 55 adam men 11 tehnıka, jergilikti atqarýshy organdardan 8 adam men 4 tehnıka tartyldy. Qazirgi kúni órtti tolyq sóndirý sharalary júrip jatyr, – deıdi B.Omarov.

Buǵan deıin Ekibastuzǵa qa­ras­ty Álkeı Marǵulan aýyly mańynda jáne óńirdiń Qar­a­ǵandy oblysymen shekaralasatyn jerlerinde de tilsiz jaýdyń 127 gektar jerdi jaıpap ótkeni belgili boldy. О́rttiń saldarynan atalǵan eldi mekenniń tur­ǵyndaryna tıesili 72 usaq mal janyp ketken. Qyrda qaraýsyz júrgen qoı-eshkini tutqıyldan kelgen dala órti sharpyp, tiri qalǵan túlikter arasynda áli de ólip jatqandary bar kórinedi. Arnaıy komıssııa ázirshe 70-ten astam mal qyryldy dep qana tanyǵan. Aýyl adamdary komıs­sııanyń bul sheshimimen kelispeı otyrǵanyn aıtý kerek. Máselege gazetimizdiń aldaǵy nómir­lerinde arnaıy toqtalatyn bolamyz.

Jalpy, sońǵy bir aptanyń ishinde Pavlodar oblysy aýma­ǵynda orman jáne dala órtteri boıynsha 35 oqıǵa tirkelgen. Tótenshe jaǵdaı qyz­metiniń mamandary men arnaıy organdar tilsiz jaýdan kelgen shyǵyn men kúıik shalǵan jer­lerdiń aýdanyn anyqtap jatyr.