18 shildedegi túski saýdada dollar baǵamy arzandady. Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy 1,99 teńgege tómendep, 444,15 teńgeni quraǵanyn habarlady, dep jazady Egemen.kz.
Qytaı ıýaniniń ortasha saralanǵan baǵamy tómendep, 61,99 teńgeni (-0,14) qurady.
Ulttyq bank eýro baǵamyn 501,73 teńge, rýbldi 4,95 teńge dep belgiledi.
Aqsha aıyrbastaý oryndarynda dollar 444,5-447,5 teńge, eýro 497,5-502 teńge, reseı rýbli 4,81-5,03 teńge aralyǵynda satylyp jatyr.
Al 18 shildedegi aýksıonda álemdik munaı baǵasy kóterilip jatyr.
Osylaısha, ICE Futures elektrondyq saýdasynda Brent markaly munaıdyń qyrkúıektegi fıýchersteriniń quny 0,10%-ǵa ósip, barreline 78,58 dollardy qurady.
NYMEX elektrondy saýdasynda WTI markaly munaıdyń tamyz aıyndaǵy fıýchersteri barreline 0,23%-ǵa ósip, 74,25 dollardy qurady.