Qazaq bıi dese, Shara Jıenqulova, Shuǵyla Saparǵalıevalar birden oıǵa oralatyny bar. Mamandar bıdi bekzat óner dep baǵalaıdy. Mýzykanyń yrǵaǵymen bite qaınasyp ketetin bıshilerdiń eńbegi eren ekenine eshkimniń kúmáni joq.
Otyz jylǵa jeteqabyl ýaqyt buryn Áýlıeatada qurylǵan «Aısha bıbi» bı ansambli ýaqytynda jergilikti bıliktiń qoldaýymen Fransııa, Germanııa, Izraıl, Túrkııa elderine gastroldik saparmen at basyn burdy. Kári qurlyq elderine «Aısha bıbi» jáı barǵan joq, qazaqtyń qanyna sińgen ulttyq bılerin eýropalyq ónersúıer qaýymnyń nazaryna usyndy.
«Aısha bıbi» týraly sóz qozǵalsa, belgili baletmeıster, Qazaqstannyń eńbek sińirgen mádenıet qyzmetkeri Baıdáýlet Sazabekov týraly aıtpaý áste múmkin emes. Kóne shaharda jańa ıdeıanyń jetegine ergen Baıdáýlet toqsanynshy jyldardyń bel ortasynda bı úıirmesin ashty. Keıinnen, naqtyraq aıtar bolsaq 1997 jyly oblys ákimdiginiń qoldaýymen «Aısha bıbi» bı ansambli quryldy. Qazaqtyń ulttyq bıin shet memleketterge tanytý maqsatynda qurylǵan ansambldiń jetekshisi qyzmetine Baıdáýlet Sazabekov taǵaıyndaldy.
Ulttyq bı óneriniń tynysyn ashý, tanymaldylyǵyn arttyrý maqsatynda qurylǵan jas ansambl az jyldyń ishinde qazaq bı ónerin Eýropanyń birneshe memleketterine tanytty. Sheteldik maıtalman mamandar tarapynan qazaqstandyq óner ujymynyń eńbegi joǵary baǵalandy. Alaıda jetekshi bolmasa, jetistiktiń joly jabylady eken. 2005 jyly Baıdáýlet Sazabekov elordaǵy shaqyrtý alyp, qyzmet babymen aýysýyna baılanysty bı ansamblin ózimen birge alyp kettti. Osylaısha jambyldyqtardyń maqtanyshyna aınalǵan bı ujymy Áýlıeatada ýaqytsha jabyldy.
Iá, «Aısha bıbi» bı ansambli túbegeıli jabylǵan joq. Ýaqytsha ǵana jumysyn toqtatty. Olaı dep kesip aıtýymyzdyń sebebi de joq emes. О́ıtkeni ansambl ataýy fılarmonııa shtatyna bekitilip qoıǵan. Bir sózben aıtqanda óner ujymyn kez kelgen ýaqytta qaıta ashýǵa múmkindik mol. Basqanyń ıemdenip ketýge quqy joq.
О́ner ujymy ýaqytsha jabylǵannan keıin «Aısha bıbini» etnografııalyq-folklorlyq bı ansambli retinde qaıta qurý máselesi jergilikti óner janashyrlary tarapynan jıi kóteriletin. Aqyry bul másele de ońynan sheshildi.
Osydan 4-5 jyl buryn jergilikti bılik «Aısha Bıbi» etnografııalyq-folklorlyq bı ansamblin qaıta jasaqtaý máselesine myqtap kiristi. Nátıjesinde, tıisti kastıngter uıymdastyrylyp, 2019 jyldyń 11 aqpanynda atalǵan bı ansambli Kenen Ázirbaev atyndaǵy Jambyl oblystyq fılarmonııasynda jańa qurammen 5 shtattyq negizde qaıta ashyldy. Qoıýshy baletmeısteri – Aıjan Qonarbaeva.
«О́ner ujymynyń qaıta jasaqtalýyna Kenen Ázirbaev atyndaǵy oblystyq fılarmonııanyń dırektory Seıitqasym Túktibaev zor eńbek sińirgenin aıta ketken jón. Bı ansambliniń repertýarynyń negizin qazaqtyń brend bıleri quraıtynyn aıtpaı ketýge bolmas.
«Altynaı», «Tartý», «Shashý», «Qarajorǵa» «Qamajaı», «Aqqý» sekildi bı qoıylymdary qazaqtyń búkil bolmysyn, bı ónerindegi talǵamyn sheteldikterge tanytyp júr. Jalpy, negizin Baıdáýlet Sazabekov aǵamyz qalaǵan bı ansambliniń qol jetkizgen tabysy jetip artylady. Sheteldik ónersúıer qaýym talaı ret ónerine tánti bolǵan ujymnyń alar asýy áli alda ekeni daýsyz», deıdi K. Ázirbaev atyndaǵy oblystyq fılarmonııa dırektorynyń orynbasary Jandos Omarov.