Balǵyndardyń kórkem álemi

Jýyrda shyǵarmashyl balalardy bir alańda jınaǵan sýret kórmesi ótti. Jobaǵa júz­­degen jetkinshektiń jeke ju­­mystary qoıylǵan. Kórme qaty­sýshylary ishinde halyq­aralyq baıqaýlarda top jar­ǵan talanttar bar. Zańǵar kók­ke qol sozǵan asqar taýlar, qyz­ǵaldaǵy qulpyrǵan jazıra jotalar, aınadaı tunyq aıdyn kólder olardyń armanyna qanat bitirgen.

Shahardaǵy «Birge jasaı­myz» jobasy men «Sen sýret­shisiń» sheberhanasy keskin­deme mektebi retinde 10 jyl boıy qalalyq jáne aýdan­dyq kórmelerge bel­sendi qa­tysyp keledi. Jas sýret­shi­lerge arnap Qazaqstan men Ýkraı­nanyń belgili beıneleý óner sheberleri shyǵarmashylyq sa­baqtar, túrli plenerler ót­kizýdi dástúrge aınaldyrǵan. Mektep túlekteri búginde tek Almaty qalasynyń ǵana emes, sonymen qatar AQSh, An­glııa, Aýstralııa jáne bas­qa da elderdiń kórkemsýret kol­ledj­deri men joǵary oqý oryn­darynyń stýdentteri.

Eń bastysy – atalǵan shy­ǵar­mashyl orta tek bala­lar­dy ǵana emes, ónerge nemquraıdy qaramaıtyn, óz daryndaryn shyńdaǵysy keletin túrli jas­taǵy adamdardy biriktire bil­gen. Sebebi shyǵarmashylyq ush­qynyn árbir adamnyń bo­ıyna­n tabýǵa bolady deıdi jo­ba avtorlary. Kenep be­tinde se­nimdi syrǵyǵan qyl­qa­lam qımylynan túrli jo­laq­tar, boıaýlar men beıneler paı­da bolyp, sońynda tamasha bir kartınanyń dúnıege kelýin baqylaý bir ǵanıbet. Balalar shyǵarmashylyǵyn qoldaý, ata-analar men oqytý­shylardyń ózara qarym-qaty­nastaryn dáripteý maqsatynda ashylǵan kórme shahar tur­ǵyndary men qonaqtaryna jaı­ly áser syılady.

Beıneleý óneriniń barlyq túrin qamtyǵan týyndylar jas sheberlerdiń ishki ále­min­degi tolqynysyn pash etedi. Qanshama jazyqsyz jan­dar japa shekken áskerı qaqtyǵystar, álemdegi geosaıa­sı turaqsyzdyq balalardyń da kóńil alańyna aınalǵan. Adamzatty beıbit ómirge shaqyrǵan kartınalarda balalar jylamasa, ata-analar aman bolsa degen áppaq tilek jatyr. Birlik pen yn­ty­maq­ty tý etken kenep ja­ǵyn­dy­­larynan tazalyqtyń ıisi ań­qıdy.