Almatyda Tiger Films prodıýserlik kompanııasynyń kezekti tolyqmetrajdy fılminiń túsirilimi bastaldy. Komedııa men ekshn qatar júretin romantıkalyq drama Balalar úıinen shyqqan qos ǵashyqtyń aýyr taǵdyrynan syr shertedi. Jańa kartınadaǵy basty rólderdi elimizge tanymal akterler oınaıdy. Jańa kınonyń alǵashqy túsiriliminde rejısser Alıona Almaz dástúrli túrde tárelke syndyrdy.
«Urlyqshylar» dep atalatyn kartınada qos jetimniń úlken qaladaǵy ómir qıyndyqtary, shytyrman oqıǵalary sýretteledi. Tiger Films prodıýserlik kompanııasynyń ujymy Nıý-Iork kınoakademııasynyń túlegi Alıona Almazdyń otandyq kınoǵa qosar úlesi mol ekenine senimdi.
«Men qazaq kınosyna Batystyń túsirilim tehnologııasyn alyp kelgim keledi. Osylaısha kórermenniń otandyq kınoǵa degen qyzyǵýshylyǵyn arttyrýdy kózdeımin. Qazir Batys fılmderine degen suranys joǵary. Tym bolmasa tarazynyń eki basyn teńestirý de nátıje. О́ıtkeni qazir jaqsy otandyq fılmder túsirilip jatyr. Fılm Balalar úıinde tárbıelengen Ámir men Sana esimdi keıipkerlerdiń ómirine qurylǵan. Olar ashtyqpen kúresý úshin urlyq jasap ósedi. Mektep bitirgen soń Ámir men Sana baǵaly zattardy jymqyrýǵa bet burady. Baılardan urlap alǵanyn muqtajdarǵa taratyp beredi. Jetimder ómirindegi shytyrman oqıǵa osylaı bastalady», deıdi rejıssıor.
Fılmdegi ekstremaldy qımyldardy akterlerdiń ózderi oryndaıdy. Jańa kartına Kinopark & Kinoplexx kınoteatrlarynan 18 qańtardan bastap kórsetiledi.