Jaqynda amerıkalyq «Inter Maıamı» klýbyna aýysqan ataqty argentınalyq fýtbolshy Lıonel Messı jańa komandadaǵy alǵashqy jattyǵýy kezinde túsken sýretin jarııalady, dep habarlaıdy Egemen.kz.
Sýretten argentınalyq fýtbolshy áli de babynda ekenin ári jańa komandada debıýt jasaýǵa daıyn ekenin kórýge bolady.
Kelisimshart boıynsha Lıonel Messı «Inter Maıamıde» 2025 jyldyń sońyna deıin oınaıdy, oǵan bir maýsymda 60 mıllıon dollarǵa deıin jalaqy tólenedi. Ol amerıkalyq klýb sapyndaǵy alǵashqy oıynyn 21 shildede ótkizedi dep josparlanǵan. Messı alańǵa meksıkalyq «Krýs Asýl» komandasyna qarsy oıynda shyǵýy kerek.
Birneshe kún buryn Messı Maıamıdegi stadıonda «Inter» jankúıerlerine tanystyryldy. Buǵan deıin sportshy jańa klýbtyń quramyndaǵy alǵashqy oqý-jattyǵý jıynyn ótkizip, medısınalyq tekserýden sátti ótken edi.