Bul týraly Memleket basshysy Qasym-Jomart Toqaev «Ortalyq Azııa + Shyǵanaqtaǵy arab memleketteriniń yntymaqtastyq keńesi» birinshi sammıtinde aıtty, dep habarlaıdy Egemen.kz.
«Kólik-tranzıt salasyn damytý asa mańyzdy. Qazirgi tańda memleketterimiz kólik baǵyttaryn ártaraptandyrý úshin belsendi sharalar qabyldap jatyr. Túrli ınfraqurylymdyq jáne logıstıkalyq jobalar qolǵa alynýda. Qazaqstan Transkaspıı halyqaralyq kólik dálizin odan ári damytýǵa basa mán beredi», dedi Prezıdent.
Qasym-Jomart Toqaevtyń aıtýynsha, «Soltústik – Ońtústik» halyqaralyq kólik dálizin damytý boıynsha sharalar qabyldap jatqanyn aıtty.
«Biz bul baǵyt arqyly júk tasymalyn dáıekti túrde ulǵaıtýǵa múddelimiz. 2030 jylǵa qaraı jyl saıyn 500 myń konteınerge deıin júk jetkizýdi josparlap otyrmyz. Budan bólek, elimiz «Soltústik – Ońtústik» halyqaralyq kólik dálizin damytý boıynsha sharalar qabyldaýda», dedi Prezıdent.