QTJ birinshi jartyjyldyǵynyń qorytyndysy boıynsha shamamen 600 km temir jol jóndeldi. Bul ótken jyldyń sáıkes kezeńimen salystyrǵanda 100 km artyq. Magıstraldyq jelide belsendi jóndeý jumystary jalǵasyp jatyr, dep habarlaıdy Egemen.kz.
Búgingi tańda Moıynty – Qaraǵandy – Astana ýchaskesinde joldy jóndeý jumystary aıaqtaldy. Munda keshendi jóndeý 2,5 aı boıy júrgizildi. Jumystyń aýqymdy bóligi atqaryldy.
76 km jol boıynda lastanǵan ballasty tereń tazartý júrgizildi. Sonymen qatar 78 myń eski temirbeton shpaldary aýystyrylyp, baǵyttamalyq burmalardyń 22 jıyntyǵy tóseldi. Budan basqa rels býnaqtarynyń tutastyǵy boıynsha 457 oryn qalpyna keltirildi. Arnaıy mashınalardy qoldana otyryp, 116 km jolǵa túzetý jumystary júrgizildi.
2023 jyldyń sońyna deıin barlyǵy 1 126 km temirjol magıstralin jóndeý josparlanyp otyr, onyń 557 km - kúrdeli.