Katonqaraǵaı aýdanynda Berel ormanshylyǵynyń aýmaǵyndaǵy jartasty, taýly, jetýi qıyn jerlerde órt shyqqan. О́rt ornyna jumyldyrylǵan órt sóndirýshiler tilsiz jaýmen kúresip jatyr, dep habarlaıdy Egemen.kz Tótenshe jaǵdaılar mınıstrligine silteme jasap.
1700 metrden astam bıiktegi 3 gektar aýmaqta jartastardaǵy aǵashtardy órt sharpydy. Ormanshylar men órt sóndirýshiler atpen jáne ShQO áýe bólimshesiniń MI-8 tikushaǵynyń kómegimen órt ornyna jetken.
«Qazavıaormanqorǵaý MI-2 tikushaǵy áýeden jaǵdaıdy únemi qadaǵalap otyr. Qorǵanys mınıstrliginiń MI-171 jáne ShQO áýe bólimsheleriniń MI-2 tikushaqtary órt oshaqtaryna áýeden 19 ret 50 tonnaǵa jýyq sý tókti. 155 ormanshy, órt sóndirýshi jáne jergilikti atqarýshy organdar, 13 birlik tehnıka jáne 3 tikushaq jalynmen kúresip jatyr», delingen ShQO TJD baspasóz qyzmeti taratqan habarlamada.