Azamattardy qabyldaý ortalyǵy

Bıyl shilde aıynan bas­tap Mınıstrlikter úıiniń 16-kireberisinde óz jumysyn bastaǵan ortalyq memlekettik organdardyń halyqpen jumys júrgizý jónindegi biryńǵaı front-jelisi formatynda quryldy. Bul ortalyqtyń negizgi mindetteriniń biri – memleket pen azamattardyń ózara is-qımylynyń jańa ortasyn qurý. Al onyń jumysynyń negizgi qaǵıdattary – klıentke baǵdarlaný, ótinish berýshilerge kórsetiletin qyzmet sapasyn arttyrý jáne jalpy osy salaǵa jańa standarttardy engizý.

Jalpaq tilmen aıtqanda, ortalyq bazasynda kelýshiler ózderine yńǵaıly jaǵdaıda kez kelgen memlekettik organǵa ótinishin bere alady, sondaı-aq HQO-ǵa uqsas túrli vedomstvolar ókilderinen, medıatorlar jáne zań mamandarynan keńes ala alady. Sonymen qatar munda azamattar memlekettik organ­dar­dyń birinshi basshylary­nyń jeke qabyldaýyna jazylý múmkindigine ıe bolady. Ortalyq alańynda apta saıyn 18 mınıstrliktiń ókilderi azamattardy jeke qabyldaıdy, keste Úkimet saıtynda aldyn ala jarııalanady. Bul rette óńirlerdiń turǵyndaryna elordaǵa arnaıy kelýdiń qajeti joq, óıtkeni olardy onlaın-formatta da qabyldaý júrgiziledi.

Ortalyqtyń qurylýy Prezı­dent Qasym-Jomart Toqaevtyń bas­tamasymen qolǵa alynǵan «Halyq únine qulaq asatyn mem­leket» tujyrymdamasyn júze­ge asyrý jónindegi aýqymdy jumys­tyń jalǵasy ekenin aıta ketken jón. Buǵan deıin bul úderis sheńberinde ótinish berý­shiler quqyqtarynyń ba­sym­dyǵyn qamtamasyz etetin jáne ótinishterdi qaraý kezinde memle­kettik organdardyń jaýap­ker­shiligin kúsheıtýdi kózdeıtin Ákimshilik rásimdik-úderistik kodeksi qoldanysqa engizilgen edi. Odan keıin óńirlerde ótinishterdiń qaralýyn baqylaý boıynsha bólimder jumys isteı bastady, ákimshilik sottar júıesi qurylyp, eOtinish biryńǵaı aqparattyq júıesi jáne basqa da jobalar iske qosyldy.

Jańadan ashylyp otyrǵan ortalyqtyń bazasynda sıfrlyq HQO jumys isteıtinin atap ótken jón. Bul arqyly onlaın rejimde 1 220 memlekettik qyzmet túrin alýǵa bolady.

Ortalyqta Qazaqstan Res­pýb­­lı­kasy ákimshilik quqyq buzýshylyq týraly zańnama­syn­da, qylmystyq is júr­gizý nemese azamattyq is júr­gizý zańna­masynda qaraý tárti­bi belgi­lengen ótinishter qabyl­dan­baıtynyn atap ótken jón. Bul máseleler boıynsha azamattar tıisti quqyq qorǵaý nemese sot organdarynyń front-ofısterine júginýi kerek.

Tutastaı alǵanda, keshen­di tásil jańa ortalyqty mem­le­kettik organdar men úkimet­tik emes uıymdardyń, jurt­shylyqtyń eń ózekti máseleler tóńiregindegi dıalog alańyna aınaldyrady dep senemiz.