Qaraǵandy oblysynda 12 mıllıon teńgege jýyq munaı ónimin qoldy qylǵan aýyl turǵyndary ustaldy, dep habarlaıdy Egemen.kz.
Temirtaý qalalyq polısııa basqarmasyna qarasty Shyǵys polısııa bólimine munaı ónimderin kóterme jetkizýmen aınalysatyn jaýapkershiligi shekteýli seriktestiktiń basshylyǵy aryzdandy.
Belgili bolǵandaı, atalǵan seriktestik janar-jaǵarmaı satý stansııasymen munaı ónimderin satyp alý kelisim-shartyna qol qoıǵan.
Býhgalterlik esep-qısap júrgizý barysynda 11 mıllıon 893 myń teńge aqsha jetispeýshiligi anyqtalǵan. Krımınaldyq polısııa qyzmetkerlerimen júrgizilgen keshendi jedel-izdestirý is-sharalary barysynda osy iske qatysy bar degen kúdikpen 23 pen 40 jas aralyǵyndaǵy eki aýyl turǵyny ustaldy.
Atalǵan derek boıynsha Qazaqstan Respýblıkasy QK-niń 188-babyna sáıkes qylmystyq is qozǵaldy. Tergeý amaldary júrgizilip jatyr.