Qaraǵandylyq kásipker Nurbek Oralov kalıfornııa qurtynan tynaıtqysh shyǵaryp, tabys tabady, dep habarlaıdy Egemen.kz.
Ol sáýir aıynda aýlasynan arnaıy oryn daıyndap, qurtty óndiriske jiberedi. Odan alǵan bıogýmýs egistik jerdiń qunaryn arttyrady. Kalıfornııa qurttary shirigen organıkalyq zattardy «jeý» arqyly jerdiń quramyn gýmýspen baıytyp, qunarly qara topyraqqa aınaldyrady. Oǵan kúndelikti tórt túliktiń tezegin salyp qorytady.
Osylaısha 4 aıdan keıin bıotynaıtqysh daıyn bolady eken.
Nurbek Oralov qyzyqqan istiń jaı-japsaryn ıýtýbtan qarap alady da, zerttep, tereńine boılaıdy. Sodan byltyr shilde aıynda eki qorabyn alyp, tájirıbe jınaǵan. Keıinnen Almatyda ashylǵan Kazverm degen koperatıvke qabyldanyp, oqýyn oqyp sertıfıkat alǵan.
Kón astynda 16 jyl ómir súretin kalıfornııa shylaýshyny tyńaıtqysh óndirý prosesin toqtatpaıdy. Bıogýmýska aınalǵan soń topyraq arnaıy úkkishten ótedi eken. Byltyr 30 qap tyńaıtqysh shyǵarǵan kásipker ónimin satyp, jemisin kóripti. Al bıylǵy jyly kásibiniń aýqymyn keńeıtýdi josparlap otyr.
Nurbek Oralovtyń aıtýynsha, qazirgi selıtra degen mıneraldy tyńaıytqysh - hımııalyq tyńaıytqysh bolǵandyqtan adam ómirine zııan. Al mynaý - tabıǵı taza tyńaıtqysh.
Kásipker osy isinde memleketten qoldaýǵa ıe bolyp, 2 paıyz jeńildikpen nesıe alǵan. Onyń ústine bıogýmýska sýbsıdııa da berile bastaǵan.
Kalıfornııa qurtynan daıyndalǵan bıotynaıtqyshtardy satyp alǵandar baý-baqshalary men eginjaılarynan mol ónim alady.